Nunanit allanit

Korea Avannarlermi nunap sajuppillannera Nunatsinni uuttortarneqartoq

GEUS-ip Nunatsinni Danmarkimilu seismografiisa nunap sajuppillannera nalinginnaanngitsoq sakkortuupilussuarlu ippassaq unnukkut uuttortarsimavaat. Nunap sajuppillannera Korea Avannarlermeerpoq Nunatsinnilu nalunaaqutaq malillugu ippassaq unnukkut nal. 22.30 pilluni.
Danmarkshavnimi seismografip uuttortaanera, septembarip qulingiluaani 2016. Assi © : GEUS
Danmarkshavnimi seismografip uuttortaanera, januaarip arfernani 2016. Assi © : GEUS
Danmarkshavnimi seismografip uuttortaanera, februaarip aqqaneq-aappaani 2013. Assi © : GEUS
Allattoq Simon Uldum -
septembarip 09-at 2016 07:13

Nunap ilaani pineqartumi nunap sajuppillattarnera nalinginnaasuunngilaq, Koreallu Avannarliup atombombinik misileraasarfiatut ilisimaneqarluni. Kingullermik ukioq manna januaarip arfernani misileraasoqarpoq.

Sumiiffiata saniatigut pissutsit assigiinngitsut takutippaat nunap sajuppillannera qaartitsisoqarneranik pissuteqartoq nunallu nammineq sajuppillanneraneersuunngitsoq. GEUS tusagassiorfinnut nalunaaruteqarluni taama allappoq.

Seimografit uuttortaanerisa naatsorsuinerillu takutippaat sajuppillanneq nunap qaavani pisimasoq.

GEUS-ip Richterskala atorlugu sajullanneq 5.8 mb-mut uuttortarpaa.

Korea Avannarliup atombombinik misileraaneri kingulliit ukioq manna januaarip arfernani aamma 2013-imi februaarip aqqaneq-aappaani ingerlanneqarput, nunallu ilaani pineqartumi aamma ingerlanneqarlutik.

Qaartitsinerit taakku aamma GEUS-imit 5.5 mb-mut uuttortarneqarput, ippassarlu qaartitsisoqarneranit sakkukinnerulaarput.

2013-imi 2016-imi uuttortarneqartut assigiittupilussuupput. Danmarkshavnimi seismografip uttortagaasa assilineqarneri qulaani takuneqarsinnaapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq