SIUMUT: Kommunip pisortaanut tatiginninnera millivoq
Roskildimi professori illoqarfiup ilassaannik pilersaarummut isorinnilluni Sermitsiami oqaaseqarnera pillugu, Illoqarfiit pingaarnersaata kommuniani pisortap eqqartuussivilersuussiniarneranut, qanittukkut saqqummersumut, Siumut tassa taama qisuariarpoq.
Naak eqqartuussivimmut aggersaanik ippassaq unitsinneqaraluartoq, borgmesteri iliuuseqartariaqartoq, gruppip siulittaasua, Peter Davidsen, isumaqarpoq.
- Isumaqarpunga, borgmesteri una pisoq aallaavigalugu nalilersuilluartariaqartoq, Peter Davidsen oqarpoq.
AAMMA ATUARUK Inuiaqatigiit soqutigisarineraat qularaara
Oqalussinnatitanermik saassussineq
Kommunip pisortaata isornartorsiuisumik nipangertitseriaraluarsimanera, Siumup tupaallatigigaa taanna aamma oqarpoq.
- Uparuarneqarlutalu Eqqartuussivimullu tunniussilluta. Taanna kusananngilaq. Uanga isumaqarpunga, kommuni angisuutut eqqarsartariaqarpoq. Uparuartuutit assigiinngitsullu tigusinnasariaqarpagut, taavalu uagut kommunitut eqqortut eqqortut avammut saqqummiussinnaasariaqarpagut, Siumup kommunimi gruppiata siulitasua KNR-imut oqarpoq nangillunilu:
- Tassa taanna aqqutissaavoq. eqqartuussinerit allallu uanga pisariqaarsorinngilakka.
AAMMA ATUARUK Sermersooq professorimik eqqartuussivilersuussiniarnini taamaatippaa
Peter Davidsen naapertorlugu eqqartuussivilersuusiniarneq. maanna tunuartinneqareertoq. kia akilissanera, kommunip aningaasaqarnermut ataatsimiititaliaata isummerfigissavaa.
Peter Davisenili isumaqarpoq, suliaq innutaasunut nanertuutaasariaqanngitsoq.
Inuit Ataqatigiit kommunimi tapersersortaasa Demokraterne suliaq tukannerarlugu oqatigereerpaat, isumaqarlutilli, suliaq ingerlatsinermi aqutsisunit aalajanggaammat, maanna susoqarnissaanik, borgmester Asii Chemnitz Narup isummertuusiussaasoq.