Assi: Nils Baum/Bureau for Inatsisartut

Kommunit aqunneqarnerat pillugu inatsisissap qanimut oqartussaaqataanermik qulakkeerissasoq

Kommunit aqunneqarnerat pillugu inatsit Inatsisartunit tallimanngornermi siullermeerluni oqaluuserineqarpoq.

Nunaqarfinni siulersuisut pissaaneqarnerulissapput, illoqarfinnilu kommunit ingerlatsiviisa qullersaqarfiginngisaanni ataatsititalianik pilersitsisoqassaaq.

Naalakkersuisut kommunit aqunneqarnerat pillugu inatsisissatut siunnersuutaat ilaatigut taama imaqartoq, Inatsisartunit siullermeerneqarluni tallimanngornermi oqaluuserineqarpoq.

Siunnersuut akuersissutigineqassappat nunaqarfinni siulersuisut piviusunik aalajangiinissamut oqartussaaffeqalissapput, aningaasaqarnermullu tunngatillugu aalajangiissuseqalissallutik.

AAMMA ATUARUK Nunaqarfinni aqutsisut kommunalbestyrelsenut sunniuteqarusupput

Aamma illoqarfiit kommunit ingerlatsiviisa qullersaqarfiginngisaat tamarmik ataatsitaliaqalissapput. Kommunit aqunneqarnerat pillugu inatsisissatut siunnersuummi tamanna atuarneqarsinnaavoq.

Naalakkersuisullu kommuninut toqqaannartumik isumaqatigiissusiortalerniarmata, kommunit kattuffiat KANUKOKA inatsimmit peerneqassaaq.

Taamaalillunilu kattuffik inatsisissatut siunnersuummi nutaami, nunatsinni kommuninut inatsisitigut sinaakkusiisussami, taaneqanngilaq.

Kommuneqarfik Sermersuup KANUKOKA-mit ilaasortaajunnaarnera tamatumunnga pissutaasoq, inatsisissatut siunnersuummi allaqqavoq.

AAMMA ATUARUK Sermersooq najukkami ataatsimiititaliaqalernissamut piareerpoq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!