Kommunit Namminersorlutik Oqartussallu akornanni nalimmassaaneq oqallisigineqassaaq
Tamanna pillugu Aningaasaqarnermut Naalakkersuisup, Andreas Uldumip ullumi apersorneqarnissani kissaatiginngilaa. Taamaattoq aningasaqarnermut naalakkersuisoqarfik nalunaarpoq, nalimmassaanermut siunnersuut, kukkunersuisartunit BDO-mit saqqummiunneqartoq pillugu kommunit sapaatip-akunnerani uani naalakkersuisumit ataatsimeeqatigineqassasut. Tamannalu pereerpat aningaasaqarnermut naalakkersuisoq paasissutissiiniartoq naalakkersuisoqarfik nalunaarpoq.
Kommuneqarfik Sermersooq nalimmassaanermut akilertagaasa qaavisigut, 45 millioner koruuninik kommuninut allanut siorna akiliisussanngortinneqarpoq. Nalimmassaanermut siunnersuummi tallimanngormat itigartinneqartumi, Kommuneqarfik Sermersooq taamaalilluni 70 millionit koruunit 100 millionit koruunillu akornanni akiliisussanngortinneqaraluarluni, kommunit allat pingasut tamarmik aningaasanik pissarsisussanngoraluartut.
