VIDEO Kommunip avinnera Nunatta karsiata akilissanngikkaa

Qaasuitsup Kommuniani kommunalbestyrelsimi ilaasortaq Siumumeersoq avinnissamut akissaqarnerarmat Aningaasaqarnermut naalakkersuisup nuannaarutigaa. Qaasuitsup Kommunianili borgmesterip parteeqatini isumaqatiginngilaa.

Qaasuitsup Kommuniata avinneqarnisasaa Inatsisartut aalajangiutissappassuk kina kikkulluunniit  akiliissanersut isumaqatigiinngissutaassagunarpoq.

Tassami Enok Sandgreen, Siumut sinnerlugu ataatsimiitsitaliami kommunip avinnissaanut susassaqartumi siulittaasoq, oqarnikuuvoq kommunip avinnissaq akissaqartikkaa.

Tamannali Qaasuitsup Kommuniani borgmesterip, Ole Dorphip, isumaqatiginngilaa. Tassamigooq Enok Sandgreenip oqarnini nammineq akisussaaffigissavaa. Dorphip avinnissaq aalajangiutivinneqassappat Naalakkersuisut isumaqatiginiarusuppai. 

Aningaasaqarnermut naalakkersuisup, Randi Vestergaard Evaldsenip, oqaatigaa innuttaasut avinnissamik kissaateqarnerat tusaaniarneqartariaqartoq. Taamaattorli Nunatta karsiata avinneq akilissanngikkaa oqaatigalugu. Taamaattorli Naalakkersuisut avinneq pillugu oqaluqataasinnaanerat ammaffigalugu.

Taassuma aamma naqissuserpaa kommunit allat Qaasuitsup avinneranut akileeqataarusunnginnerat ataqqisariaqartoq.

Naalakkersuisup aamma oqaatigaa kommuni avissappat innuttaasunut kinguneqanngitsoornavianngitsoq. 

Inuit Ataqatigiit siulittaasuata, Sara Olsvigip, Qaasuitsup kommuniata avinnissaannik taasititsineq paasissutissanik toqqammaviusunik kingunerluutaasinnaasunillu amigaateqarsimanerarlugu isornartorsiuivoq. 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!