Kommuninngortussat atserneqassapput
Kommuninngortussaq qanoq taaguuteqassava. Kommunimut sapaatip akunnerani kingullermi qinersisoqareersorlu maanna taama aperisoqartalerunarpoq.
Allattoq Louise M. Kleemann
Kommuninngortussat sisamat kingusinnerpaamik aggustip ulluisa aallaqqaataanni atserneqareersimassapput, ilisarnaatissaallu aamma taamanikkussamut aalajangereersimassapput.
Kommunit nutaat taaguutissaat taajuminartuusussaassaaq, kommunillu tuniniaanera ingerlalluarniartussaassalluni. Allattaatsip aamma malinneqarnissaa ikaarsaariarnermi ataatsimiititaliamut KANUKOKA-p siunnersuutigaa.