Danmarkimi kommunimut qinersineq: Kommunini anginerni sisamani borgmesterit ingerlaqqittut
Kommunimut marlunngormat qinersisoqareersoq tamanna paasinarsivoq. Socialdemokraatineersoq Frank Jensen Københavnimi borgmesteritut pingajussaanik ingerlaqqissaaq.
Aarhusimi Aalborgimilu borgmesterit Socialdemokraatiusut, Jacob Bundsgaard aamma Thomas Kastrup-Larsen, aamma borgmesteritut ingerlaqqissapput.
AAMMA ATUARUK Kalaallit ikittuinnaat Danmarkimi qinigassanngortittut
Odensemi Peter Rahbæk Juelip Anker Boye borgmesteritut ukiup nikinnerani taarserpaa, socialdemokraaterlu 40-nik ukioqartoq piffissap sivikittuinnaap ingerlanerani saqqummilaartupilussuuvoq.
Socialdemokraatit taamaalillutik Odensemi qinigaalluarput Peter Rahbæk Juelillu borgmesteritut ingerlaqqinnissaa ilimanaateqarluarpoq.
Regionsrådinut, ilaatigut Danmarkimi peqqinnissaqarfimmik ingerlatsisunut aamma qinersisoqarpoq. Nunap immikkoortuini tallimaasuni sisamani socialdemokraatineersut ukiuni sisamani tullerni regionrådsformandiussapput.
Socialdemokraatit taamaalillutik regionsrådsformandiutitatik ataatsimik ilaqqippaat. Region Sydimi Venstre siulittaasuutitaqaannassaaq.
