Kommunini akileraarut allanngussanngilaq
Tassami kommunit sisamaasut aappaagumut kommunimi akileraarutinut procenti allanngortinnianngilaat, taamaalilluni nuna tamakkerlugu akileraarutip procentimik ataatsimik appartinneqarnissaa, iluaqusiisussanngorpoq.
Aviisimi Sermitsiami tamanna allaaserineqarpoq.
Qeqqata Kommunia 2013-imut missingersuutiminik siulliulluni saqqummiivoq, tassami missingersuutit oktobarip 25-anni akuersissutigigamikkik.
Qaasuitsup Kommuniata aappaagumut missingersuutini pingasunngormat akuersissutigai, Kommuneqarfik Sermersuup missingersuutini marlunngorpat novembarip 27-anni akuersissutigissavai, 29-annilu Kommune Kujalliup kingulliulluni missigngersuutini akuersissutigissallugit.
Kommunit tamarmik kommunimi akileraarutinut procentertik allanngortinnianngilaat.
Qeqqata Kommuniata kommunimi akileraarutip procentia een procentimik siorna qaffappaa, taamalu 26 procentiulersillugu, tassa Sisimiuni talittarfiup allineqarnissaanut aningaasaleeqataanissaq siunertarineqarluni.
Kommunimut akileraarutip procentia 2013-imi allanngortinneqassanngilaq.
Qaasuitsup Kommuniata Kommune Kujalleq assigalugu kommunimut akileraarut 28 procentiusoq allanngortinnianngilaa, aamma Kommuneqarfik Sermersuup kommunimut appasinnerpaamik akileraarutinut procentini 25 procentiusoq aamma allanngortinnianngikkaa, Sermitsiami allaaserineqarpoq.
