Kommuni qasujaallisarnissamik periarfissiisoq

Tassami Nuummi Atuarfik Samuel Kleinschmidtip eqqaani aammalu illoqarfiup ilaani Eqalugalunnguani qasujaallisartarfinnik pilersitsisoqalerpoq.

Qasujaallisarnermi atortut nutaajusut ukioq kaajallallugu silamiissinnaasussatut sanaajupput. Atortullu piareeriarpata innuttaasut ilaatigut ipullutik nukittorsarsinnaalissapput. 

- Innuttaasut akeqanngitsumik qasujaallisarsinnaanissaannik periarfissikkusuppavut. Qasujaallisarnermut atortut nutaat inunnik ullumikkut qasujaallisarnerneq ajortunit aalatitsisalerumaartut minnerunngitsumillu silami qasujaallisarfiit ataatsimoorussat sumi tamaani pilersinneqarumaartut neriuppugut, Kommuneqarfik Sermersuumi Meeqqanut, Ilaqutariinnut Atuarfeqarnermullu Ataatsimiititami siulittaasoq, Poul Hansen Demokraatineersoq, oqarpoq.

Qasujaallisartafik siulleq ASK-ip eqqaaniittoq atorneqarsinnaanngoreerpoq. Eqalugalinnguiniittorlu aggustip aallartinnerani piariissasoq kommunip neriuutigaa. 

Nuummi Sisorarfiit sulisuisa qasujaallisartarfissat suliaraat.