Kommuneqarfik Sermersuumi kommunalbestyrelsemut ilaasortanngortoqarpoq nutaanik marlunnik
Tassalu taakku taarserneqarput Demokraartit sinnerlugit, Poul Hansenimit aamma Inuit Ataqatigiit sinnerlugit Charlotte Ludvigsenimit. Taakku pisortatigoortumik ilaasortanngortinneqarput marlunngormat januaarip 27-anni kommunalbestyrelsemut ilaasortat ataatsimiinneranni.
Ataatsimiinnermilu aamma aalajangerneqarpoq, borgmesterip tulliatut siullertut inissisimasimasoq, Andreas Uldum parteeqatiminit Justus Hansenimit taarserneqassasoq. Taamatullu Andreas Uldumip ataatsimiititaliami siulittaasuuffia, Poul Hansenimit maanna tiguneqarpoq, tassaasoq Meeqqanut, Ilaqutariinnut Atuarfiillu pillugit ataatsimiititaliaq.
Iddimanngiiu Biancop Isumaginninnermut, Suliffeqarnermut Inuussutissarsiornermullu Ataatsimiititami siulittaasuuffia, Naja Lundip maanna siulittaasuuffigilerpaattaaq.