Kommuneqarfik Sermersooq aningaasaleeqataarusuttoq
- Uanga taanna qilanaarisorujussuuara aamma erinisuppunga, borgmester Asii Chemnitz Narup oqarpoq.
Eqqumiitsulianik Saqqummersitsivik piviusunngussappat ingerlatsinermut aningaasartuutit 40 procentii kommunip isumagissagai kommunalbestyrelsip 2012-imi aalajangiuppaa.
Aamma atuaruk Tuusip politikkikkut tapersersorneqarneq nuannaarutigaa
Pilersaarulli kommunimut qinersisoqarnera tikillugu nikisinneqaqqissimanngimmat, aningaasaliinissamut nalilersueqqinnissaq borgmesterip pisariaqartippaa.
- Suliap ukiut taamak amerlatigisut matuma siornatigulli aalajangiiffigeriigaq nutaamik aalajangiiffigineqassappat, isumaqarpunga taanna torernerpaajusoq.
Aamma atuaruk Nunatta eqqumiitsulianik saqqummersitsiveqalernissaa qanilliallattoq
Kommuni Namminersorlutillu Oqartussat saqqummersitsivimmik ingerlatsinermut aningaasaleeqatigiittariaqartut naalakkersuisoq Doris Jakobsen qanittumi oqarpoq.
Ingerlanneqarnera ukiumut 6 millionit koruunininik aningaasartuuteqassasoq 2013-imi missingerneqarpoq, kommunilu maanna qanoq aningaasaliitigisariaqassanersoq suli nalunarpoq.
Borgmesterilli neriuutigaa pilersaarutigineqareersutut aningaasaliisarumaarlutik.
Aamma atuaruk Nunatta eqqumiitsulianik saqqummersitsivissaata akuerineqarnissaa utaqqiinnaraat
- Namminerli uanga kaammattuerusussuunga innersuussutigalugulu taamanikkutuulli aamma aalajangeeqqittoqassasoq. Kisianni tamanna kisima aalajangersinnaanngilara, Kommuneqarfik Sermersuumi borgmesteri Asii Chemnitz Narup oqarpoq.
Saqqummersitsiviup illutassaa 200 millionit koruunit missaanik akeqassangatinneqarpoq sananeralu 2020-mi naammassineqassangatinneqarluni.
