Kommune Qeqertalik pisortaanertartoq

Kommune Qeqertaliup Ikarsaariarnermi Ataatsimiisitaliata Hans Peter Poulsen decembarip aallaqqaataanit pisortaanertut atorfinitsippaa.
Allattoq Bikki P. Kleist
novembarip 23-at 2017 09:22

Hans Peter Poulsen ilinniagartuujuvoq allaffissornermi  Nunatta Ilisimatusarfiani  McGill University Montreal-milu Cant. Scient. Adm. ilinniagaqarsimasuulluni.
 

Kommune Qeqertalik aaqqissuussaanermik nutaarluinnarmik kalaallit namminnerlutik ilusilersugaannik  kulturitsinnut tulluarsakkamik nunarsuarmioqataanermillu ersersitsisussamik ilusilersuinermi naqqaniit siunersortitut suleqataavoq, maannalu tassa ikarsarnermi suliap ilusilerluarnissaa nagillugu suleqataaffigissallugu. Tamatuma saniatigut Qaasuitsup kommuniata avinneqarnissaanut suliat unammillernaqisut suleqataaffigissavat, Ane Hansen taama allappoq.
 
- Ikarsaariarnermut Ataatsimiisitaliap pingartippaa kalaallinik ilinniarluarsimasunik sulisoqarnissaq taamattumik nuannaarutigaarput Hans Peter Poulsen ikarsarnermi pisortaanertut  atorfinitsissinnaagatsigu.

Hans Peter Poulsenillu aamma qularnarniartussaava kommune Qeqertalik kalaallinik ilinniarluarsimasunik suliffissigissallugu orniginartuunissaa, Kommune Qeqertalimmi borgmesterinngortussaq Ane Hansen taama oqarpoq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk