Politikki

Kommune Kujalleq isumaginninnermi pisortaqaleqqittoq

Dariusz Sobczynski, Qaasuitsup Kommuniani qitiusumik allaffimmi isumaginninnerup iluani ullumikkut immikkut siunnersortaasoq, sulisussarsioqqereernermi toqqarneqarpoq.

Allattoq Charlotte Holten-Møller

juunip 16-at 2016 10:56

Nutserisoq Mads Lynge

Kommune Kujallermi kommunaldirektøriugallartoq Kenneth Høegh KNR-imut taama ilisimatitsivoq.

Dariusz Sobczynski suli oqaaseqartissinnaasimanngilarput. Taanna Upernavik Kommuniusimasumi isumaginninnermu pisortatut siornatigut atorfeqarnikuuvoq, Ammassalimmilu isumaginninnermu immikkoortartaqarfimmi aamma sulisimalluni.

Kommune Kujallermi isumaginninnermi pisortatut atorfimmi ukiuni kingullerni taarseraattoqarsimaqaaq. Inuimmi assigiinngitsut arfinillit 2012-imili tassani atorfeqarsimasut oqaatigineqarami.

Aamma atuaruk Isumaginninnikkut siunnersortit utaqqisinnaanngikkaat

Aamma atuaruk Kommuni Kujalleq kukkunerit pillugit: Uggornaq

Marluk soraarsitaasimapput, sinnerilu immikkoortortaqarfiup iluanit atorfinitsinneqarsimallutik. Ukioq manna februaarip ulluisa 16-iannni kingullermik soraarsitsisoqarpoq, isumagininnermut pisortap soraarsinneqarnissasa kommunip nammineq taamanikkut aalajangermagu.
Pisortaasimasup soraarsitaanermi kingorna ukiup aappaata qeqqa akissarsiaqartinneqarnissaa, allagaatinik paasitinneqarsinnaatitaanermut qinnuteqaatip takutippaa.

Isumaginninnermi pisortamik kalaallimik atorfinitsitsisoqarnissaa Kommune Kujalliup sulissutigisimavaa, tamannali maannamut iluatsissinnaasimanani.