Politikki

Kommunalbestyrelsimut ilaasortaq: - Kanukoka malunnaataaruppoq

Naligiissaarinermik aaqqissuusseqqinnermut atatillugu isumaqatigiinniartoqarnerani Kanukokamit tapersersorneqannginneq pissutigalugu, Kommuneqarfik Sermersuumi Inuit Ataqatigiit kommunit kattuffiannit ilaasortaajunnaartoqarnissaa siunnersuutigaat.

Storm Ludvigsen er blandt de politikere, som har savnet Kanukokas opbakning.

Allattoq Jens Thorin

septembarip 22-at 2014 12:27

Taama Storm Ludvigsen oqarpoq, erseqqissaatigaalu siunnersuutini tusagassiuutinut sukumiisumik eqqartorniarnagu, kommuneqarfiit aqagu ataatsimiinneranni eqqartorneqartinnagu.

Siunnersuummilu erseqqippoq IA-p kommunalbestyrelsimi ilasortarititai KANUKOKA-p tapersersuisarnera naammaginngikkaat.

20 mio. kr.-it qisuariarfigineqanngillat

- Aningaasaqarnermut naalakkersuisoq 2013-imi kommunip missingersuutaanit 20 mio. koruuninik imaasiallaannarluni ilanngaammat - taamaaliornikkullu isumaqatigiissumik akornusiilluni -KANUKOKA-mit qisuariarfigineqanngilaq, Storm Ludvigsen taama allappoq.

Aamma atuaruk Kommuneqarfik Sermersooq KANUKOKA-mit aninialerpoq

- Maannakkut imannak inissisimavugut naligiissaarinermik aaqqissuusseqqinneq

uppernarsaatissaqarani, piviusorsiortumik tunngavissaqarani aamma aningaasatigut kingunerisinnaasaanik naatsorsuuteqaarani atuutsinneqalersinnaavoq, Storm Ludvigsen oqarpoq nangillunilu:

- Kommuninik aaqqissuusseqqinnerup kingorna kommunit sisamaannanngorput naligiissaarinermik aaqqissuusseqqinnermillu ingerlatsinermi ajoraluartumik paasivarput, kommunit taakkua sisamat imminnut suleqatigiittut isiginngitsut, tunngaviattullu ataatsimut soqutigisaqaqatigiinngitsut.

- Paarlattuanik kommunit imminnut unammillerput soorlu ilaatigut akileraarutitigut isertitat pillugit. Ineriartorneq alianarluinnarpoq kisianni ukiuni aggersuni pitsanngortoqarnissaanut ersiutinik takusaqarsinnaanngilagut.