KNRimi sulisutsialaat toqqarpaat
KNR 2012ip ingerlanerani imaannaanngitsunik aqqusaagassaqarsimavoq.
Imaannaanngitsunik unammilligassaqarfiusumi sulisut tusarnaartartunut isiginnaartartunullu tunniussaqarniarnerminni ilungersortariaqarsimapput. KNR-imi aqutsisut taamaammat Arnaq Nielsen, Nuka Alice Lund aamma Karsten Sommer sulisutsialattut toqqarpaat.
- Inuusukkaluaqalutit tusagassiortunngornianut maligassiuisuuvutit. Oqaatsinut pikkoreqaatit Qanoruumillu isiginnaartartut tasiorlugit oqaluttuat imaannaanngissinnaasut isiginnaartunut paasinartunngortittarpatit, pisortaq Ivalo Egede Arnaq Nielsenip sulisutsialattut toqqarneqarneranut tunngavilersuivoq.
- Tunniussaqarusuttuuvutit pissanganartunik tusagassaqartitsisarlutit radiomilu nuannersunik tusagassaqartitsisarlutit. Suleriaatsit nuannersoq radiomi aallakaatitassiannut tuniluuttarpoq, Nuka Alice Lundip toqqarneqarneranut Ivalo Egede tunngavilersuivoq.
- Illit nipit qallunaatut radioaviisimut ilisarnaataavoq. Ukiorpassuanngortuni inuiaqatigiinnut ilisimasaqarluarnerit iluaqutaasimavoq. Tassunga peqatigitillugu ajornartorsiutit takkutilersut qanoq iliuuseqarfigineqarnissaat peqataaffigisarsimavat, sulisutsialaat pingajuat Karsten Sommer radioaviisimeersoq pillugu Ivalo Egede oqarpoq.
Sulisutsialattut toqqarneqartut tamarmik checkimik 5.000 koruuninik aningaasartalimmik tunineqarput.