KNR TV-imi eqqoriaatitsilluni aallakaatitassiaq nutaaq
Aallakaatitsineq ILU? tallimanngormat siullermik aallakaatinneqarpoq, pulaartullu eqquiniaatinneqarlutik. Pulaartuni ajugaasoq akileraarusigaasussaanngitsunik 5000 koruuninik pinnattassaaq.
Tusaamasat ilaatigut pulaartorineqartassapput, tusaamasaanngitsullumi aamma. Tusaamasat eqqukkatik ajunngitsuliornermut siunertalimmut tunissutigisassavaat, tusaamasaanngitsullu eqqukkani tunissutigissanerlugit nammineq aalajangertassavaa.
Isiginnaartut SMS-ikkut aamma peqataatinneqassapput, eqqortumillu akissuteqarsimasut akornanni makitsisoqartassaaq, akileraarusigaasussaanngitsunik 5000 koruuninik aamma eqqugassaqassalluni.
Eqquiniaalluni aallakaatitsineq aliikkutassiaaneruvoq, ilaqutariinnullu saaffiginnippoq, aallakaatitsisarnerillu aasaru juunip ulluisa 24-anni naammassilerpat eqqugassaq pingaarneq makitsissutigineqassaaq. Tassa SMS-ikkut peqataasut eqqortumik akisarsimasut akornanni makitsisoqassagami, akileraarusigaasussaanngitsunik 25.000 koruuninik eqqugassaqasalluni.
