KNR pillugu nutaarsiassat

KNR KNR TV-iikkut tallimanngornermi aliikkusersuinerit nuannersut

Tallimanngorneq Unnuppaat Man tallimanngornermi novembarip 27. naggataartillugu KNR-ip aallakaatissavaa, tassanilu ukiarnerani videot nuannarineqarnersaat toqqarneqassalluni. Isiginnaartartut videonik qulinik toqqagassaqassapput. Taavalu sms atorlugu ajugaasoq angalanissamut 20.000. kr.-nik eqqugassaqassaaq. Pisarnertut sms-ertut akornannit Iphone 6 eqqugassaassaaq. Nassiunneqarsimasut takutinneqarsimanngitsulli akornaniit aamma makitsissoqassaaq.
Assi © : TumitProduction
Assi © : KNR
Allattoq Paasissutissat KNR / KNR Info
novembarip 25-at 2015 15:39

Aallakaatitsinerup kingorna KNR qiiaammisaarissaaq, tassani Qaqqat Alanngui siullermeersumik aallakaatinneqassaalluni. Isiginnaagassiami inuusuttut arfinillit aasaanerani illuaraliarnissaminnik pilersaaruteqareerput. Tassami inuusuttut sisamat ilinniarnertuunngorniarnertik naammassinikuuaat tamannalu nalliuttorsiutigineqassalluni.

Aliortulikkersaarlutik, qaqqani pisuttuartarlutik, nuannisaqatigiillutillu. Taava ersinarsiartulerpoq, mobilitik aserorterneqarsimapput, kangerlummi kisimiinnatik paasivaat. Inuusuttut arlaat amiilaarnartumik inuarneqarpoq tassanilu inuuniarneq aallartilluni.

Tallimanngorneq unnuppaat Man’KNR1-imi tallimanngorneq novembarip 27. nal. 19:30 aallakaatinneqassaaq.

Qaqqat Alanngui KNR1-imi tallimanngorneq novembarip 27. nal. 20:30 aallakaatineqassaaq. Isiginnaagassiaq meeqqanut minnernut inerteqqutaavoq. 

Aamma atuaruk

KNR pillugu nutaarsiassat

KNR-imit Anita Cramer Corpas KNR-ip nutaarsiassaqartitsiviani pisortanngussaaq

KNR pillugu nutaarsiassat

Tusagassiorfinnut nalunaarut KNR tapersersorneqartariaqarpoq ukkatarineqartariaqarlunilu

KNR pillugu nutaarsiassat

Tusagassiutitigut nalunaarut KNR nutaarsiassiisarnerminik ikililereqqittariaqarpoq