KNR tusarniaasoqarmat akinngitsoortoq

Pisortat ingerlatsinerat pillugu paasitinneqarsinnaatitaaneq pillugu danskit inatsisaat aamma naalagaaffiup Nunatsinni ingerlataani aamma atuutissaaq. Inatsilli Nunatsinni tusarniaassutigineqanngitsoormat isornartorsiorneqarsimaqaaq.

Taamaattumik KNR tusarniaaffigeqarusuttunut ilaavoq. Namminersorlutik Oqartussat maanna tusarniaareerput. Isornartorsiuisunili akissuteqarsimanngitsut amerlapput.

-  Tassa assut ajuusaarnarpoq.

Pisortat ingerlatsinerat pillugu paasitinneqarsinnaatitaaneq pillugu danskit inatsisaat tusarniaassutigineqarmat akinngitsoorsimanertik pillugu KNR-ip pisortaa Karl-Hendrik Simonsen taama oqarpoq.

Taanna oktobarimi siorna ima oqaraluarpoq:

- Nunatsinni inatsisit assigiinnissaat uani pingaaruteqarluinnarpoq. Soorlu Naalakkersuisut suliarisimasaat pillugit massakkut apeqqutissaqaraangatta, suliallu ingerlaneranni allakkianik piumagaangatta, ammasorujussuarmik periarfissaqarpugut. Kisianni naalagaaffiup suliffeqarfiutaani Kalaallit Nunaannut tunngasunut apeqquteqassagutta allaanerungaatsiartumik matoqqanerungaatisiartumillu inatsiseqalissaaq. Taannalu eqqunngitsutut isigaara, pisortaq taamani oqarpoq.

AAMMA ATUARUK Inatsisissaq tusarniaassutigineqartariaqaraluarpoq


Inatsit innuttaasut tusagassiuutillu oqartussaasut paasissutissaataannik takunnissinnaanerannik imaqarpoq.

Pisortat ingerlatsinerat pillugu paasitinneqarsinnaatitaaneq pillugu danskit inatsisaat danskit ingerlataanni Nunatsinniittuni, soorlu Illersornissaqarfimmi Politiinilu danskit inatsisinik atortitsinermut ministereqarfiata isumaa naapertorlugu aamma atuuttariaqarpoq.

 

AAMMA ATUARUK Politikerit arajutsisut

Tusarniaanermut KNR-ip peqataanngitsoorsimanera pillugu Karl-Henrik Simonsen oqarpoq allaffimmi kukkuneq tamatumunnga peqqutaasoq:

- Juulliaraq aqaguttoq, suliffik matoreersoq taanna mailikkut nassiunneqarsimavoq. Taannlu apuummat takuneqarsimavoq, aamma maani suliffeqarfimmi ammarneqarsimavoq. Kisianni ajoraluartumik maanga aqutsisoqarfimmut ingerlateqqinneqarsimanani. Taamaammat takkunera juullikkunni sulinngiffeqarfik naammat nalusimavarput 

Tusarniaaneq ingerlanneqarpoq decembarip 23-anniit ukioq manna januaarip 30-ata tungaanut.

AAMMA ATUARUK Kielsenip inatsisissatut siunnersuut tunuartikkaa

Pisortamut apeqqutigigatsigu KNR-imut apeqqummut taama pingaaruteqartigisumut sooq nakkutigilluarsimannginnersut; akivoq:

- Maani allakkat nalunaarutillu naalakkersuisuneersut tamaasa ammartarpagut allaffinnut apuussimappata tamaasa soorunami atuartarpagu. Kisianni uani jullip ukiortaallu akornanni takkuitsoorneqaesimanera. Tassa tassani allagarpassuit akornanni eqqqummaariffigineqarsimanngilaq. Taamaammat akisinnaasimanngilarput, Simonsen oqarpoq.

KNR-ip eqqarsaatigaa inatsimmut tusarniaanermut akissummik Namminersorlutik Oqartussanut malinnaatitsiniarluni. Pilersaarutit malillugit inatsit kingusinnerpaamik 2016-imi nalileqqinneqartussaagaluarpoq. Folketingimi amerlanerit sapaatip akunnerata siuliani aalajangerput 2018-imut kinguartinniarlugu.

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!