KNR radio asimi tusarnaaruk
Mellembølgekkut aallakaatitsissutit pingasut maanna atulernerisigut KNR radio mellembølgekkut tusarnaarneqarsinnaaqqilersoq, Tele-Postimit nalunaarutigineqarpoq.
Mellembølgekkut aallakaatitsissutit pingasut pineqartut tassaapput, Qeqertarsuarmiittoq, Nuup avataani Kitsissuniittoq aamma kujataani Simiutamiittoq.
Mellembølgekkut aallakaatitsissutit ukiorpassuarni atorsinnaajumallugit, Tele-Postimi teknikerit mellembølgep atortuinik nutaanik ilinniartinneqarput.
Mellembølgekkut aallakaatitsisoqaqqilersinnaanera TELE-POST-ip taamaalilluni naammassivaa, tamannalu Namminersorlutik Oqartussallu ’KNR asimi’ pillugu isumaqatigiissummi 2014-imeersumi isumaqatigiissutigineqartoq, piffissaliussap aningaasaliissutillu iluanni naammassineqarluni, TELE POST tusagassiuutinut nalunaaruteqarluni taama allappoq.
