ASSIT KNR Kangerlussuarmi: Maani qiimarrapput
Kangerlussuarmiit Ilaasussat 530-it maannakkut Kangerlussuarmiiit timmisartuussinerit aallarteqqinnissaannut utaqqisut Kangerlussuarmi Air Greenlandimit oqaatigineqarpoq.
Aamma atuaruk AWG2016: Unnuaq naallugu timmisartuussisoqassaaq
- Maani Kangerlussuarmi silagittorujussuuvoq, inuit maaniittut qiimarrattorujuupput, tassa silagippoq seqinnerluni, Pipaluk Høegh oqarpoq.
Ullaanganiilli AWG-imi peqataasussanik tikittoqarpoq.
- Ullaaq 6:45 siulliit tikikkamik taavalu ilai imaattoq soorlu Alaskaminngaanneerlutik piffissaq aamma allaalluni taamaammat sinerrattoqarpoq. Hotel Umimmak taavalu sakkutuut ineqarfiinut inissinneqarnikuupput, sinissinnaaniassammata, Pipaluk Høegh oqarpoq.
Aamma atuaruk AWG2016 Timmisartuussinissat kinguartinneqarput
Angalasussanullu aallarneq ajuleqqasunut aliikkutaqartitsiniartoqarsimavoq.
- Mittarfimmi kulturimut tunngasunik aliikkutaqartitsisoqarpoq, ilaatigut uaajeertoqarluni, alutorineqartorujussuupput, Pipaluk Høegh oqarpoq.
Aamma atuaruk AWG2016 Kajumissutsiminnik suleqataasut anorersuaraluartoq ikiuupput
Kangerlussuarmiit timmisartuussineq siulleq Nuummut arfininngornermi unnukkut nalunaaqutaq aqqarnup eqqaani tikinnissaa naatsorsuutigineqartoq, AWG2016-imi aaqqissuit arfininngornermi ualikkut oqaatigaat.