Qulaarpaa KNR-ip uran samminialerpaa
Pinngoqqaaq qorsuk uran maani nunami oqallitsitsivoq. Minnerunngitsumik Narsami, tassanimi Kuannersuarni uranimik piiaaviliornissamik pilersaarutip ukiorpassuarni inuit avissaartortissimavai.
Uranimik piiaaviliornissamik illersuisut Kujataata annassutissaatut isigigaat akerliusut isumaqarput nunap immikkoortuata taassuma taanna naggatigiumaaraa.
Tamarmilli amingaatigisaat tassaapput paasissutissat. Narsami KNR-ip piviusulersaarusiaani marluusuni nutaani inerniliussap aappaa taama oqarpoq.
Eqqarsaasersuutit pillugit aallakaatitassiat
Aallakaatitassiat imaraat innuttaasut eqqarsaasersuutaat aarleqqutaallu.
Siulleq unnugu KNR TV-kut nalunaaqutaq 20.30 aallakaatinneqassaaq, tullialu aqagu aallakaatinneqassalluni.
Sisamanngorpat KNR-ip Qulaarpaa aallakaatissavaa, tassani Kuannersuit sammineqassallutik, oqallinnerup ilaatigut aallaavigissavaa Narsami innuttaasut aarlerissutaa.
