KNR-ip qinigassanngortittut aallakatitassiornermiit peerpai

Qinigassanngortittut, KNR-imi atorfeqartut tusagassiorfik innuttaasunut kiffartuussinissamut isumaqatigiissuteqartoq qineqqusaarnerminni oqaaseqartarfittut atoqqusaanngilaat.

Tamannalu patsisigalugu KNR-ip sulisuni marluk kommunemut qinigassanngortinnissaminik aalajangersimasut qineqqusaarnerup nalaani aallakaatitsisussaajunnaarsippai.

- Uani pingaaruteqarpoq Kalaallit Nunaata Radioata qineqqusaartut assigiimmik pisussaagamigit, Masaana Egede KNR-ip radioani pisortaq Uju Petersen timersornermut tunngasunik aallakaatitsinermi takussaannginnera pillugu taama oqarpoq.

AAMMA ATUARUK Tusagassiorfiup Siumumit sassartoq akissarsiaqartinngikkaa

Tusagassiorfdiit tamanik sullissisut qinigassanngortittut assigiimmik pissavaat

 

Qineqqusaartoq aappaa KNR-ip tv-qarfiani sulisoq Hans Jukku Noahsen qineqqusaarnerup nalaani aamma aallakaatitsisussaajunnaaqqavoq.

IA sinnerlugu sassartut aallakaatitsisussaajunnaarsinneri silatusaarnerusinnaavoq. Danmarkimi tusagassiornermi ilinniarfissuarmi tusagassiutimmi pillugit inatsisileritooq naapertorlugu KNR-isulli innuttaasunut kiffartuussinissamik isumaqatigiissuteqartut qinersisoqarnerani immikkut ittunik naligiissaakkamik aallakaatitsisussaatitaanermik pisussaatitaapput. 

- Qinigassanngortissinnaasut kikkulluunniit naligiikannertumik tusagassiutitigut saqqummernissamut periarfissaqassapput, Vibeke Borberg oqarpoq.

Tusagassiiviit innuttaasunut kiffartuussinissamik isumaqatigiissueqartut partiinik sassartunillu tamanik assigiimmik periarfissaqartitsisassasut, Danmarkimi eqqartuussiviit qullersaata 1960-imi eqqarsuussutiginikuuaa.

Suliaq taanna Danmarks Radiomi qineqqusaarnermi oqallittoqareerneranit aallartinnikuuvoq.

- Tassani partiit Folketingimeereersut kisimik imaluunniit qinigassanngortissinnaasut tamarmik tamatumani periarfissaqarnersut apeqqutigineqarpoq. Eqqartuussiviillu qullersaata suli qinerneqarsimanngitsut immikkoortinneqaannarsinnaannginnerat oqaatigaa. Sassartullu tamarmik assigiimmik periarfissaqartariaqartut, tusagassiutit pillugit inatsisileritooq oqarpoq.

Qineqqusaarnermi saaqumilaarnerutissinnaagaai

 

KNR-ip Uju Petersen Hans Jukku Noahsenilu innuttaasunut kiffartuussinissamik isumaqatigiissuteqartumi qineqqusaarnerup nalaani saqqumilaaginnartikkaluarunigit piviusoq imaalissaaq KNR-ip sassartut taakku allanit pitsaanerusumik saqqumilaartinnerugai.

- TV-kkut radiokkullu ataasiakkaat takutinnerusaraluarutsigit tassani malunniuteqarsinnaavoq, Masaana Egede taama oqarpoq.

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!