KNR-ip aallakaatitassiaa sakkortuumik isornartorsiorneqartoq
KNR-imi pisortap nassuerutigalugu oqaatigaa, aallakaatitap aaqqissuunneqarnerani kukkusoqarsimasoq, tamannali sukateriffigalugu aaqqiiffigineqartoq, aviisi taama allaaserisaqarpoq.
KNR-imi illuinnarsiorluni tusagassiisoqarpoq, tusagassiisarnerlu isornartorsiunertaqarani. Taamatut tusagassiineq tulluanngilluinnarpoq ajoqutaalluinnarlunilu.
Tusagassiortoq, Brugsenimi attaveqatigiinnermut suliaqartoq, Irene Jeppson aviisimi atuartartut allagaanni isornartorsiuilluni taama allagaqarpoq.
Irene Jeppsonip tv-ikkut allakaatitaq 'Mudi' pisumi innersuussutigaa, Jeppson allappoq aallakaatitaq propagandaasoq tassa sunniiniarluni isummersitsiniaanertut aallakaatitaasoq.
Aallakaatitami aallarnisaasoq namminersulernissaq tassungalu atatillugu politikerit inernerit takutitsisinnaassuseqarnerat pillugit oqaaseqartinneqarput, aallakaatitamilu illuatungiliisoqaranilu oqaaserineqartunut uppernarsaatissanik saqqummiussisoqanngilaq.
Ileqqorissaarneq tusagassiuinermi aallakaatitanilu oqallissaarutini sakkoq pingaarnersaasoq, "isiginnaartartutsinnut, tusarnaartartutsinnut atuisutsinnulli paasissutissat eqqortut anngunneqarnissaat eriagisassaraarput", KNR-ip pisortaanerata Karl-Hendrik Simonsenip Sermitsiaq.AG-mut nassuerutigalugu oqaatigaa.
- Taamaammat assut utoqqatsissutigaarput, sisamanngornermi 12. oktober 2017 TV'kkut aallakaatitassiami aallakaatitatsinni pitsaassutsinut kissaatigisanut naapertuutinngimmat, aallakaatitassiarlu oqallissaarutitut atorneqarsinnaannginnera oqaatigalugu. Tamanna KNR-imi suleriaatsimut najoqqutassianiluunniit kukkuneq pissutaavoq, Karl-Hendrik Simonsen nassuiaavoq, aaqqissuisoqarfillu suleriaatsimik najoqqutassianillu sukaterisimanera, ilanngullugu oqaatigaa.
