KNR-imit KNR inuusuttunut soqutiginarsarneqassaaq

Meeqqanut Inuusuttunullu aallakaatitassiat KNR-ip aallakaatitassiarisartagaanni pingaartinneqarnerulissapput, taamaattumillu KNR-ip siammaasarfiini tamani radiokkut, TV-kkut, nittartakkatigut qarasaasiakkullu inuit attaveqartarfiisigut aallakaatitassiornermik aaqqissuisussanik pilersitsinialerpoq.

-   Tusagassiuutit siammaanermi atorneqartartut akimorlugit aaqqissuisoqarnissaq pingaaruteqarpoq, meeqqat alapernaattuunerannik inuusuttullu pequerumatunerannik paasinnissinnaasunik. Aammali pisussanik pilersaarutinillu ataqatigiissaarisinnaassapput, nunatsinnilu sumiiffinnit assigiinngitsuneersunik peqataatitsillutillu aallakaatitassioqateqarsinnaassallutik, Jan Berg KNR-imi pisortaagallartoq oqarpoq. 

Sulisussat marluk inuttassarsiorneqalereerput, taakkulu KNR-ip innuttaasunik kiffartuussisussaatitaanera naapertorlugu meeqqanut inuusuttunullu sullissineq suleqatit allat peqatigalugit qulakkeerniassavaat. 

Piareersarnerit aallarnisarneqaleruttorput, inuusunnerumaallu 2016-imi naatsorsuutigisinnaavaat inuusuttunut aallakaatitassiat pikkunarnerusut takkuttalernissaat. 

-    Meeqqanut inuusuttunullu naleqquttunik immersuisassaagut. Ilagisassavagut silarsuaanni oqaatsit sungiusimasaat atorlugit. Quianartut, qiimaneq, naalanngilaarsinnaanerlu pinngitsooratik ilaassapput, radiop pisortaa Masaana Egede oqaluttuarpoq. 

Meeqqanut inuusuttunullu aallakaatitassiornerup piorsarneqarnissaa KNR-ip piginnittuinit, siulersuisuinit aamma sulisunit kissaatigineqarpoq, tamannalu KNR-imi iliuusissanut pilersaarummi pingaartitanut ilaalluni. 

Paasisaqarnerorusukkuit KNR Radiop pisortaa Masaana Egede attavigisinnaavat, tlf. +299 36 15 00 imaluunniit allallutit meg@knr.gl