Aqqaluaq B. Egede aamma Sara OlsvigAssi: Nils Baum, Bureau for Inatsisartut

Sullissinissamik isumaqatigiissut: KNR IA-p isornartorsiutaanut akivoq

Aqqaluaq B. Egedep KNR-i eqqunngitsumik paasissutissiisimanerarlugu isornartorsiorpaa, kisianni sullissinerup ajorseriaateqarnissaanik IA-kkut mianersoqquneqarsimasut, taamaattorlu akerliusimanngitsut suliami takussutissat takuneqarsinnaavoq.

KNR-i sullissinissamik isumaqatigiissutit nutaat pillugit eqqunngitsumik paasissutissiisimasoq qalipaasersorpallaartorlu, Inuit Ataqatigiit siulittaasuta tulliata Aqqaluaq B. Egede Facebookimi allappoq.

Allaatigisami ”Kiffartuussinerup ajorseriarnissaanut IA akuerseqataavoq”-mi aturneqarsinnaavoq, ilaasunik angallassinermi kiffartuussinissamut isumaqatigiissutit sinaakkutissaasa qanoq ittuunisaannik, Aqqaluaq B. Egedep Aningaasaqarnermut Akileraartarnermilu Ataatsimiititaliami siuliuttaasup tulliatut aalajangersaaqataasimasoq.

 Ajorseriataasinnaasunik ilisimatinneqarpoq

Ataatsimiisitap erseqqissaassutigaa sullissinissamik isumaqatigiissut aningaasaqarnikkut  sinaaakkutit iliuanniissasut. Tassungalu naalakkersuisoq akissuteqarpoq, taamatut sinaakkusiineq ajorseriarnermik kinguneqartitsisinnaasoq.

Taamaakkaluartoq ataatsimiisitap Naalakkersuisut isumaqatiginniarnissaannut pisinnaatitsissut maajip aqqarnani akuersissutigaat, taamaaliorpullu ajorseriaataasinnaasut pillugit ikinnerussuteqartuniit oqaaseqaaetqartoqanngitsoq. Aqqaluaq B. Egedemiilluunniit naamik.

IA-kkut isornartorsuinissaat utaqqinartoq

Aqqaluaq B. Egedelli facebookemi erseqqissarpaa, IA-kkut ikinnerussuteqarlutik oqaseqaateqartut, sullisinissamik isumaqatigissutit nutaat ajorseriaateqarfiunissaat isornartorsiorlugu.
Ikinnerussuteqarlunili oqaaseqaataat qaammatit arlallit qaangiuttut, tassa septembarip 13-ani, aatsaat saqqummiunneqarpoq, tassalu isumaqatigiissutit piareerlugit tusarniaassutigineqarneranni ataatsimiititaliarlu kiffartuussinermi isumaqatigiissutissanutt pissaaneqarunnaaareersoq.  Allaserisami ” Kiffartuussinerup ajorseriarnissaanut IA akuerseqataavoq” tamanna aamma atuarneqarsinnaavoq.

KNR-i sullissinissamik isumaqatigiissutit nutaat pillugit eqqunngitsumik paasissutissiisimanerarlugu qalipaasersorpallaartuunerarlugulu, Inuit Ataqatigiit siulittaasuta tulliata Aqqaluaq B. Egede Facebookimi allannera eqqortuunngilaq.

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!