Tysklandimi angut saassussisoq aallaaneqarpoq
Angut Tysklandimi Heidelbergimi pisuinnaat aqqutaanni inunnik pingasunik apuereersorlu tyskit politiivinit ullumi aallaaneqarami ikilerneqarpoq.
Bismarckplatz
Allattoq Ritzau
februaarip 25-at 2017 17:27
Aporneqartoq ataaseq angut 73-inik ukiulik ajunaartoq nalunaarutigineqarpoq.
Tyskit nutaarsiassaqartitsivii assigiinngitsut taama allaaserisaqarput.
Inuit pisuinnaat iffiorfiup Bismarckplatzip silataani nalunaaqutaq sisamanngulersoq aporneqarput.
Pinerluttoq savimmik sakkuisaarluni qimaariaraluarmat politiinit aallaaneqarpoq.
Pinerluttoq tarnikkut napparsimasoq, Heidelbergip nutaarsiassaqartitsivianit oqaatigineqarpoq, pinerlunnermulli tamanna pissutaasimanersoq politiit oqaatigisinnaanngikkallarpaat.
/ritzau/
