Inuussutissarsiutit

KNI angusarissaarpoq

KNI-p akileraarutit ilanngaatigereerlugit 100 millionit koruuninik sinneqartoornissani anguniagaraa, tamannalu maannamut ingerlalluarpoq.

Allattoq Kerté Jeremiassen

decembarip 14-at 2015 19:20

Ukiup affaani siullermi KNI naatsorsuutimigut 57,4 millionit koruuninik - akileraarutit ilanngaatiginnginnerini - sinneqartooruteqarpoq, ukiup siuliani ukiup affaani angusamut 10,7 millionit koruuninik pitsaanerulluni.

- KNI-mi angusat pitsanngoriartorneri pissuteqarput, KNI 2016-ip tungaanut periusissiaani siunnerfiit piviusunngortiterneqarnerannit, kiisalu aningaasartuutinik aqutsilluartoqarneranit aningaasartuutikillisaasoqarneranillu. Illuutit atorunnaartut aamma tunineqarsimapput, taa-maalillunilu ingerlatsinermi nalikilliliinerit aamma sipaarutigineqarsimallutik, KNI-p pisortaa Peter Grønvold Samuelsen tusagassiorfinnut nalunaarummini allappoq.

Aamma atuaruk Pilersuisoq pisisartuminik annaasaqarpoq

Pisortamiilli aamma seernartulerneqalaarpoq, angusarissaarnermi Pilersuisumit pisut ukiuni pingasunit tallimat tungaannut taamaallaat atuutissasut tikkuarpaa.

- Tamatumalu kingorna missingersuutigut isikkorippallaanngillat, Peter Grønvold Samuelsen erseqqissaavoq.

Tassani nunaqarfinnit isorliunerusuniillu, aaqqissueqqinnerillu piginnittunullu sinneqartoorutinik patsiseqartut siulittuutigalugu.