KNAPK: Raajartassat avinneqarunik pitsaanerussaaq
Taama oqarpoq Kalaallit Nunaanni Aalisartut Piniartullu Kattuffianni KNAPK-mi siulittaasoq Henrik Sandgreen. Inatsisartunut qineqqusaarluni oqallinnermi tallimanngormat KNR-ikkut aallakaatinneqartumi siunnersuutigaa, avataasiorlutik sinerissallu qanittuani raajarniartartut raajartassat avittassagaat.
- Selskabersuit marluk raajartassat 70 procentii oqartussaaffigivaat, taanna ajorpoq ajuuvilluni, inuiaqatigiinnut peqqinnanngilaq taamaammat allanngortinneqartariaqarpoq, KNAPK-ip siulittaasua Henrik Sandgreen inatsisartunut qineqqusaarluni oqallittoqarmat taama oqarpoq.
Aamma atuaruk Biolog: Raajat ikiliartornerat isumakulunnartoqarpoq
Taamaattumik KNAPK isumaqarpoq avataasiorlutik aamma sinerissap qanittuani raajarniartartut raajartassiissutit avittassagaat. Taannami oqarpoq, sinerissap qanittuani raajaniartartut pissassiissutigineqartut affaat pisarisinnaalluaraat, naak ullumikkut pisassiissutigineqartut tamakkiisumik pisarineq ajoraluaraat:
- Aalisartussat naammapput, namminneerlutik pisarisinnaareerpaat tamakkerlugit maannakkut raajarniartuusut taanna qularutissaanngilluinarpoq, Henrik Sandgreen oqarpoq, sinerissap qanittuani raajarniartartut pisassiissutigineqartut amigariinnavippaat, ilaatigut nalimmassaasarput aamma pisassanik pisisareerput, KNAPK-ip siulittasua oqarpoq.
Aamma atuaruk Partii Naleraq Inuit Ataqatigiillu: Kvotebankimik pilersitsisoqarli
Raajartassiissutit ukiormanna 85.000 tonsiupput taakkunannga 57 procentii avataasiorlutik raajarniartartunut pisassiissutigineqarput sinerissallu qanittuani raajaniartartunut 43 procentit pisassiissutigineqarlutik.
Pinngortitaleriffimmit innersuussutigineqarpoq raajartassiissutit tamakkiisut aapppagumut 60.000 tonsiussasut.
KNAPK-mit ilisimaneqarpoq sinerissap qanittuani raajartassiissutit tamakkiisumik aalisarneqarneq ajorput soorlu maannakkut sinerissap qanittuani raajarniartartunut raajartassat tamakkiisut 43 procentii pisassiissutigineqarput. Sinerissap qanittuani raajartassanik pisiortortoqartartoq, Henrik Sandgreen oqarpoq.
Aamma atuaruk Aalisarneq pillugu qineqqusaartut oqallitsinneqarnerat takoqqiguk
Sinerissap qanittuani raajartassanik pisiortortoqarneratigut, sinerissap qanittuani raajartassat ima annikitsigilersimapput amigarineqarujussualerlutik, taakkua sinerissap qanittuani aalisartut tulaassuinnnartut, KNAPK-ip siulittaasua Henrik Sandgreen oqarpoq.
Kalaallit Nunaanni aalisarsinnaamut akuersissutinik nakkutililisoqarfimmit oqaatigineqarpoq sinerissap qanittuani angallatit raajarniartut 24-iusut, taakkualu 34.000tonsinik ukiormanna pisaqarsimasut. Taakkua saniatigut avataani raajartassat sinerissap qanittuani raajartassanut nuunneqarsimasut.
