KNAPK pisortassarsivoq
Pisortanngortussaq, tassa Naja Holm, atuuffissamini decembarip aallaqqaataani sulilissaaq.
Assi: Peter Løvstrøm
Allattoq Kenneth Elkjær, Sara K. Jakobsen
oktobarip 27-at 2017 15:53
Naja Holmip pisortatut KNAPK-mi siulersuisuunerit, aqutsisut, kattuffimmi siulittaasoq allaffeqarfimmilu sulisut qanimut suleqatigalugit ilaasortat soqutigisai anguniagassarai.
Naja Holm 37-nik ukioqarpoq taavalu pinngortitamut avatangiisinullu naalakkersuisoqarfimmi AC fuldmægtitut atorfeqareerluni.
- Qilanaarivarpullu maani kattuffimmi suleqatigilernissaa, KNAPK-mi siulersuisunut siulittaasoq, Henrik Sandgreen, tusagassiuutinut nalunaarummi allappoq.
KNAPK maanna pisortaqanngikkallarpoq. Petrus Biilmann KNAPK-mi pisortaareerluni Aalisarnermut Piniarnermullu Naalakkersuisoqarfimmi immikkoortortaqarfimmi pisortatut ukioq manna apriilimi atorfineqqammerluni toqukkut qimaguppoq.
