Kivioq Hundestedimut apuuppoq
Naallu umiarsuaq sivikitsuinnarmik Hundestedimiittussaagaluartoq, umiarsuaq Kivioq Hundestedip umiarsualiviani aalajangersimasumik talittarfeqassasoq, Knud Rasmussen pillugu tamaani suliniutillit sukataarutigaat. TV 2 Lorry taama allaaserisaqarpoq.
Umiarsuaq ilisimasassarsiorluni atorneqartoq Frederikssundip umiarsualiorfiani sananeqarpoq, Knud Rasmussenillu ilisimasassarsiorluni arfineq-aappassaa 1933-mi angalanerani atorneqarluni. Ilisimasassarsiorluni kingullerpaamik aamma angalasoqarpoq. Knud Rasmussen Qaqortup napparsimmaviani ukioq taanna unitsinneqarpoq, ukiullu taassuma ingerlanerani toqulluni.
Kivioq 14 meteritut takitigisoq ukiorpaalunni Nuummiippoq. 1989-imi kivivoq, puttallartinneqaqqipporli iluarsaanneqarlunilu Danmarkiliaanneqarlunilu. Umiarsuaq eriagisassatut Skibsbevaringsfondenimit 2008-mi nalilerneqarpoq, Kivioqs Vennerimiillu ullumi pigineqarluni.
Kivioq Hundestedip umiarsualiviani Danmarkimi aqagu tallimanngornermi ullaakkut nalunaaqutaq quliniit ualikkut nalunaaqutaq marluk tungaannut takuniarneqarsinnaassaaq. TV 2 Lorry taama allaaserisaqarpoq.