Assi: KNR

Ilisimatusarneq: Kitaata kangiatalu qimmiisa siuaasaat assigiinngitsuusut

Misissuineq "QIMMEQ"-mik taaneqarpoq, ilaatigullu kitaata kangiatalu qimmiisa siuaasaat assigiinngitsuusut paasineqarpoq.

Qimmit qimuttut, kalaallit qimmiinik aamma taasagaat, ukiuni 4000-ingajanni nunatsinniipput. Ilisimatusarnerulli silarsuaani ilisimasaqarfigineqarpallaanngillat.

Suli. Tassami kalaallit qimmii sananeqaatimikkut ineriartornerat ilisimatuussutsikkut maanna misissorneqarmat.

- Tasiilap nalaani kitaanilu qimmit assigiinngitsuusut takusinnaavarput. Tamarmik qimmiupput qimuttut, ilaqutariipput, kisiannili assiginngitsuullutik sivisuumik avissaaqqasimasut. Tassalu ilaqutariiusutut marluttut ipput, ilisimatooq Pinngortitaleriffimmeersoq Mikkel Sinding, oqarpoq.

AAMMA ATUARUK Qimmit qimuttut kulturikkut oqaluttuarisaanerat ilisimatusarfigineqalersoq

Taanna suliniummi "QIMMEQ"-mi kalaallit danskillu suleqatigiillutik qimmip qimuttup piorsarsimassutsikkut isumaa sananeqaatimigullu ineriartorsimanera pillugit misissuineranni peqataavoq.

Qimmilli siuaaminik ilisarnaatai, taavalu qanoq sumilu pinngornersoq suli ilisimanngilaat. Sibiriamiit nunatsinnukarsimanissaa ilimagaat, sulili nalunarpoq:

- Kisianni Sibiriamiit Kalaallit Nunaannukarnermini sumik akusaasimaneranik suli apeqqutaavoq.

Taamaammat  qimmip qimuttup issittup qimmii allat, soorlu assersuutigalugit Siberian Huskyt Alaskan Malamutillu, siuaaqaqatiginerai ilisimatuut aamma misissussavaat.

AAMMA ATUARUK Ilisimatuutut misissuinerup qimmit qimuttut annaatissagai

Qimmip ingerlaarnermini inunnik allaanernik qangarsuarnitsanillu qimmilinnik naapitsisimasoq, taakkualu suiuaasaasa ilisarnaataannik peqalersimasoq ilisimatuut nalunngilaat.

Tamannalu tunngavigalugu kalaallit qimmii issittumut qanoq naleqqussarsimanersut paasissavaat.

- Nunarsuarmi tamarmi qimmit amerlanersaat Kalaallit Nunaanni silami ukiukkut unnuigaluarunik qiussapput. Qimmilli qimuttut ukioq naallugu silamiutaasarput, taamaammat naleqqussapiloorsimassapput, issittumilu uumasinnaajumallutik immikkut pissuseqalersimassapput. Tamakkualu paasiniarusuppavut, ilisimatooq Pinngortitaleriffimmeersoq Mikkel Sinding, oqarpoq.

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!