Kirkegaard qineqqusaaqqinniartoq

Inuussutissarsiornermut Aatsitassanullu siornatigut naalakkersuisuusimasup Jens-Erik Kirkegaardip, politikkikkut suliani nanginniarpai.
Jens-Erik Kirkegaard Assi © : Siumut
Allattoq Mads Lynge
oktobarip 22-at 2014 12:10

Siumumi sinnerlugu Inatsisartunut novembarip 28-ani qinersinissamut qinigassanngortinnini maanna nalunaarutigaa.

 

39-nik ukiulik Jens-Erik Kirkegaard, Inatsisartunut 2013-imi qinersisoqarmat 156-init qinerneqarluni Inatsisartunut qinigaavoq, Naalakkersuisunngornermili kingorna Inatsisartunit sulinngiffeqalerluni.

Aamma atuaruk Naalakkersuisut pingasut tunuartut

Aleqa Hammond Naalakkersuisut siulittaasuattut siorna inissimmat, Jens-Erik Kirkegaard, Inuussutissarsiornermut Aatsitassanullu naalakkersuisutut inissippoq.

Aamma atuaruk Jens-Erik Kirkegaard: Ernumassutissaqanngilanga

Nunatsinni takornariaqarnikkut periarfissat piorsaavigineqarnissaat, Jens-Erik Kirkegaardip pingaarnertut anguniagarai:

 

- Nunarput ullumikut pissanganartooreerpoq takornariarfigissallugu, ksianni amigaateqarpoq malunnaatilimmik takornariat tikittartut amerlissappata, inuussutissarsiuullu taanna tunisassiat ataatsimut nalingani malunnaateqarlualissappat, Jens-Erik Kirkegaard, tusagassiuutinut nalunaarummi ilaatigut allappoq.