Kinamit tikeraartoqarnerani politiit naalakkiuteqarnerat unioqqutitsinerusoq
Kinamiut præsidentiat Hu Jintao Kinamilu inatsisartut siulittaasuat Danmarkimut taamani tikeraarput.
Akerliussutsimik takutitsisut Kinamut isorinninnerminnik oqaaseqarnissaat politiinit pinngitsoortinneqarpoq. Aammattaaq Kinamiut præsidentiannit takuneqarnissaat politiit pinngitsoortippaat.
Taamaaliortoqarneratigullu tunngaviusumik inatsit, Inuttut Pisinnaatitaaffiit pillugit Europami isumaqatigiissut politiillu pillugit inatsit politiinit unioqqutinneqarput, Tibet pillugu isumalioqatigiissitaq taama inerniliivoq.
Ministerilli ministereqarfinnilu assigiinngitsuni sulisut ilisimasaqarsimanngillat. Aamma Københavnip Politiivini, PET-mi Naalagaaffiullu Poliviini qullersat taamatut naalakkiuteqartoqarsimaneranik ilisimasaqanngillat.
Politikommissærit taamani aqutsisuusut marluk sulinermik ingerlatsinertik pillugu suliassanngortinneqarnissaat tunngavissaqartoq oqaatigineqarpoq.