Kinaassusermut aporaarnerit Nunatsinnit nuutsitsisartut
Inuusuttut ilinniariarlutik Danmarkimukartartut 60 procentiinnaat Nunatsinnut utertarnerannut suna pissutaanersoq Namminersorlutik Oqartussanit qulaajarniarneqarpoq.
Nalunaarusiarlu naapertorlugu kalaallit, danskit affarmillu kalaaliullutik danskiullutillu misigisimasut akornanni kinaassusermut aporaassuteqarneq pissutaaqataanerpaanut ilaavoq.
Aporaassuteqarneralu pissutigalugu inuit ilaat Nunatsinni tikilluaqqusaasutut misigisimaneq ajortut, nalunaarusiami Naalakkersuisunit Inatsisartuniillu 2015-imi suliakkiissutigineqartumi inerniliunneqarpoq.
Oqaatsit aporaannermut qitiusut
Nalunaarusiaq Inatsisartunut ilaasortanut suli agguaanneqanngilaq, KNR-ili allaqqitassamik pissarsiaqarpoq.
Sulisut nunanit allaneersut misissuinermi ukkatarineqarput, Nunatsinnilu inunngortut Danmarkimut ilinniareerlutik Nunatsinnut uterneq ajortunut ajornartorsiut nalunaarusiami aamma sammineqarluni.
AAMMA ATUARUK Ilinniagartuut qanoq iliorluni pigiinnarneqarsinnaappat?
Kalaallit, danskit affarmillu kalaallit, assersuutigalugu Nunatsinni inunngortut kalaallisulli oqalussinnaanngitsut, akornanni aporaattoqalertarpoq, tamannalu ilaatigut pissutigalugu ilinniarluarsimasut Nunarput qimanngikkunikku uterneq ajorput.
Suna pissuserissaarnerunersoq Nunatta siuttuinit oqaluuserineqartariaqarsorineqartoq
Kalaallisullu oqaatsigut aporaannermut qitiupput. Nalunaarusiarmi naapertorlugu ammip qalipaataa kalaallisullu oqalussinnaaneq kalaaliussutsimut apeqqutaatinneqartarput.
AAMMA ATUARUK Sundhedsvæsenet mangler grønlandsktalende arbejdskraft
Tassalu kalaallisut oqalussinnaanngitsut avataaniittutut kalaaliviunngitsutullu misigisimasarput.
- Inuiaqatigiinni immikkoortitaarnerit pissutigalugit, amerlasuut Kalaallit Nunaanni najugaqannginnissamik aalajangertarput, nalunaarusiami allaqqavoq.
Inuiaqatigiinni ikinnerussuteqartut, soorlu sulisut nunanit allaneersut inuillu kalaallisullu oqalussinnaanngitsut pillugit oqallinnerni suna pissuserissaarnerunersoq politikerit isummernissaannik nalunaarusiami kajumissaarutigineqarpoq.
AAMMA ATUARUK SAPP: Lad os hente udenlandsk arbejdskraft
