Timersorneq

Kina Avannaata Qimussersuanngussava?

Nunatsinni qimuttoqarfiit tamarmik peqataaffigissaannik Avannaata Qimussersui aappassaanik sukkaniuutilerput. Kinaliuna ajugaasussatut ilimagineqartoq? KNR-ip Ilulissani aqqusinermi naapitani eqqoriaatippai.

Allattoq Christine Hyldal, Gaaba Olsen, Andreas Poulsen

marsip 14-at 2024 15:41

Nutserisoq Alice Sørensen

Nunatsinni qimussimik sukkaniuunnerit annerpaartaat qularnanngitsumillu malinnaavigineqarluarlunilu pissangatitsingaatsiartussaq arfininngorpat ingerlanneqassaaq.

Avannaata Qimussersui siullermik 2021-mi aaqqissuunneqaqqaarmat nunatta kangianeersut peqataatitaqanngitsoorput. Ukioq mannalu peqataasussat tamarmik Ilulissanut tikissimalerput.

Sukkaniuttussanit 37-usunit kina siullerpaajulluni apuutissanersoq eqqoriaruminaappoq.

Nunaqqatitik illersoraat

Iluliarmiut marluk ukioq kingulleq siulliullutik apuupput, tassa Milan Mathæussen aamma Kaali Lund Mathæussen.

Kikkulli siulliullutik ukioq manna sukkaniunnermi apuunnissaat eqqoriaruminaappoq. KNR-ip Ilulissani aqqusinermi naapitaasa apuuteqqaartussat aamma eqqoriaruminaatsippaat. Amerlanerilli nunaqqatimi ajugaanissaat ilimagaat.

- Tassa taanna nalunartuaannarami aallarluarnerpaaq iluatitsinerpaajusussaavoq. Angerla Qvist illersorpara taanna ilimagivara, hjemmebanertussaammat. Kristian Møller taama oqarpoq.

Avannaata qimussersuinut annguttut

Qaanaap anngunniuffianiit annguttut

Nr. 1 Markus Hansen ( Qaanaaq )
Nr. 2 Peter Avike ( Siorapaluk )
Nr. 3 Sequssuna Duneq ( Qikertat )

Upernaviup anngunniuffianiit annguttut

Nr. 1 Otto Kristensen (Innaarsuit)
Nr. 2 Paalu Kristensen (Tasiusaq)
Nr. 3 Aron Sakariassen (Nuussuaq)

Uummannap (Saattut) anngunniuffianiit annguttut

Nr. 1. Thomas Thygesen ( Saattut )
Nr. 2. Hans Otto Olsen ( Saattut )
Nr. 3. Angutimmarik Thygesen ( Saattut )

Saqqaq/Qeqertaq anngunniuffianiit annguttut

Nr. 1 Markus Jensen ( Saqqaq )
Nr. 2 Mikkel Jensen (Uno) ( Saqqaq )
Nr. 3 William Jensen ( Saqqaq )

Ilulissat anngunniuffianiit annguttut

Nr. 1. Angerlaq Qvist
Nr. 2. Ilannguaq Berthelsen
Nr. 3. Kaali Lund Mathæussen
Nr. 4. Henrik Jensen
Nr. 5. Nikolaj Therkelsen

Qeqertarsuup anngunniuffianiit annguttut

Nr. 1 Daniel J. Heilmann
Nr. 2 Hans Jørgen Lukassen
Nr. 3 Zakorat Zeeb

Qasigiannguit anngunniuffianiit annguttut

Nr. 1 Aqqalu Thomsen
Nr. 2 Lars Iversen
Nr. 3 Aqqalu Brandt

Aasiaat anngunniuffianiit annguttut

Nr. 1. Jonas Kristensen
Nr. 2. Erneeraq Jeremiassen
Nr. 3. Isak Siegstad

Kangaatsiap anngunniuffianiit annguttut

Nr. 1 Miki Therkelsen
Nr. 2 Gerth Frederiksen
Nr. 3 Justus Wille

Sisimiut anngunniuffianiit annguttut

Nr. 1 Nukaaraq Olsen
Nr. 2 Marius Inûsugtok`

Tasiilap anngunniuffianiit annguttut

Nr. 1 Anganni Mikaelsen ( Kulusuk )
Nr. 2 Lars - Bianco Mikaelsen ( Kulusuk )
Nr. 3 Mikael Kunak ( Kulusuk )

Ittoqqortoormiit anngunniuffianiit annguttut

Nr. 1 Martin Madsen
Nr. 2 Aqqalu Barselajsen
Nr. 3 Gudmund Josvassen

Allallu isumaqarput ukioq manna nutaamik ajugaasoqarumaartoq.

- Ilimagisaqanngilanga, nutaajussaaq ilimanarpoq nutaaq. Eva-Kathrine Jensen taama oqarpoq.

Aamma atuarukMeeqqat Ilulissani qimussimik sukkaniunnissamut piareertut

Donna Villefrance Ilulissaneersoq aamma isumaqarpoq nutaamik ajugaasoqarumaartoq. Taassuma nunaqqatimi apuuteqqaarnissaa aamma neriuutigaa:

- Asuki atilersuerusunngilanga, kisianni neriulaaraluarpunga iluliarmiuussasoq. Soorunami nalunaqaaq, kisianni ingerlalluarnissaannik tamaasa kissaappakka. Donna Villefrance taama naggasiivoq.

Avannaata Qimussersui 2024

Qimussimik sukkaniunneq ukiut tamaasa ingerlanneqartartoq ukioq manna marsip 16-iani nunatta kitaani ingerlanneqassaaq.

Ukioq manna Ilulissani sukkaniuuttoqassaaq.

Avannaata Qimussersua ukiut tamaviisa ingerlanneqartarpoq. Avannarpasinnerpaamit Upernavimmiit kujasinnerpaamut Sisimiuneersunut peqataasoqartarluni

Unammineq ukioq manna Avannaata Qimussersuinik taagorneqarpoq. Taanna ukiut pingajuanni ingerlanneqartarpoq. Nunatta kitaaneersuut saniatigut Ittoqqortoormiinit Tasiilamiit aamma Qaanaamiit peqataasoqartarluni.

Iluliarmiulli apuuteqqqaarnissaat naapitatta tamarmik ilimaginngilaat. Peter Q. Sadoranap Avanersuarmeersup nunaqqatimi ajugaanissaa aamma ilimagaa.

- Siullerpaamik maani isinnik isigalugit malinnaaffigilerikka. Soorunami uanga nunaqqatikka illersorniarikka Qaanaarmiut, ukua nalunarnermut, taanna oqarpoq.