Kim Wallip niaqua niuilu aqqartartunit nassaarineqartut
Ujaasinermi tusagassiortup Kim Wallip niaqua niuilu nassaarineqartut politiit nalunaarutigaat. Tusagassiortup niaqquata saarnga ajoqusersimanngilaq.
Vicepolitiinspektøri Jens Møller Jensen tusagassiortunut taama arfininngornermi nalunaaruteqarpoq.
Aarhus Universitetip umiarsuaa, Aurora, ikiorsiullugu sakkutuut aqqartartuisa, Kim Wallip atisai, niaqua niuilu nassaarivaat.
Nassaarineqartup niui puussiamiittut saviminermik kiversaaserneqarsimapput.
Politiineersoq, Jens Møller Jensen oqarpoq, puussiami nassaarineqartumi Kim Wallip atisai, skuui savillu nassaarineqarsimasut.
Nassaarineqartut paasissutissiipput
Nassaarineqartup kigutai misissorneqareersullu paasineqarpoq, Kim Walliusoq. Kim Wall aqqartartumut ilaatilluni aggustip qulingani tammaaneqalerpoq.
Inuup timaanik innarliisinnarluni imaanullu igitsisimatut, aqqartartumik piginnittoq maanna toqutsimasutut pasisaaqqavoq.
Pasineqartoq nassuiaalluni siullermik oqaraluarpoq, Kim Wall aqqartartup matuanit ajutoorsimasoq.
Tusagassiortulli niaqua nassaarineqarmat ajoqusersimanngilaq tamannalu maanna apeqquserneqalerpoq.
- Niaqqup saarnga innarlerneqarsimanngilaq, Jens Møller Jensen oqarpoq.
/ritzau/