KNR Kim Larsen tv-mi aaqqissuussinermut pisortassanngorpoq
50 ukiulik Namminersorlutik Oqartussani siunnersorti, Kim Larsen TV-mi aaqqissuussinermut pisortassatut aggustip aallaqaataaniit 2016 sulilersussatut, KNR-ip atorfinitsippaa.
Allattoq Paasissutissat KNR / KNR Info
juunip 13-at 2016 14:33
Kim Larsen nipilerisutut DR-/KNR-mi 1987-imi ilinniagaqarpoq. Kim TV-liornermi misilit-tagaqarluarpoq, 1988 –miit 1994-ip tungaanut namminersortutut Nanok Film TV-mi aamma-lu Inuk Video Produktion-imi sulivoq.
1999-miit 2008-p tungaanut Kim Larsen Katuami pisortaanerup tulliatut aamma aaqqissuus-sinermut pisortatut aaqqissuussinernut 1000-inik sinneqartunut siuttuuvoq.
Kim novembari 2011-imiit ullumanna tikillugu kulturimut siunnersortitut Namminersorlutik Oqartussani atorfeqarpoq.
Kim-mip suleqatigilernissaanut qilanaaqaanga. Qularinngilluinnarpara Kim inuttut, aqutsisutut aammalu kulturilerinermut piginnaasani aallaavigalugit KNR TV-ip ineri-artortinnissaa siuttuufigilluassaagaa, KNR-imi pisortaaneq Karl-Henrik Simonsen oqarpoq.
