Kim Kielsenip inuttarsiuisoqarnera akuerinngilaa
- Oqaatigissavara isumaga naapertorlugu naalakkersuinikkut suliassanut attuumassuteqanngitsunik inunnut ataasiakkaanut tunngassutilinnik apeqqusiillunilu pasilliinissaq pinaveersaarneqartariaqarmat, soorlu
apeqqutigineqartumut uunga tunngatillugu taamak pisoqarsimasoq. Inuiaqatigiit taamatut oqallinnerannut Naalakkersuisut peqataajumanngillat, Kim Kielsenip Per Rosing-Petersenimut akissutini taama naggaserpaa.
Kim Kielsenip aamma erseqqissaatigaa ingerlatseqatigiiffinni Namminersorlutik Oqartussanit pigineqartuni pisortaanernik atorfinitsitsisarnerit Naalakkersuisunit akuliuffigineqarneq-ajortut.
Aamma atuaruk Rosing-Petersen peqqissiminngilaq
Aamma atuaruk TELE-mi pisortaq Rosing-Petersenimut: Pasilliutit uppernarsaruk
Tamanna siulersuisussatut toqqarneqarsimasut isumagisassaraat. Naalakkersuisut isumaqarput siulersuisuni ilaasortanik pikkorissunik piukkunnartunillu toqqaasimallutik, "akulerunnaveersaarnissamillu" tunngaviusoq ingerlatseqatigiiffiit namminneerlutik akisussaaffigisaannut tunngassuteqartoq Naalakkersuisut aalajangiusimaniarpaat.
Per Rosing-Petersenip §37 naapertorlugu apeqquteqaatini pissutigalugu Partii Naleqqamit sapaatit-akunnerata siuliani ilaasortaajunnaarsinneqarpoq.
Aamma atuaruk Suleqatigiinnermi ajornartosiutit ilaasortaajunnaartitsinermut pissutaasut
Aamma atuaruk Per Rosing Petersen Partii Naleqqamit ilaasortaajunnaarsinneqartoq
Partiip siulittaasua Hans Enoksen naapertorlugu, suliassat inunnut ataasiakkaanut tunngasut Partii Naleqqap peqataaffigerusunngilai.
- Taama sulissagutta partiimut ilungersunarpallaarpoq, Hans Enoksen oqarpoq.