Kim Kielsen: Uran qaffasinnerpaaffilerneqassaaq mittarfiillu arfinillit sananeqarnissaannut misissorneqassalluni

Demokraatit Siumut Atassullu Naalakkersuisoqatigiinnissamut isumaqatigiissuteqarnerminni

uranitalinnik piianissamut qaffasinnerpaaffilerneqarnissaa pillugu  inatsisartunut saqqummiunneqassapput.

Narsap Qaqortullu akornanni Tasiilamili mittarfiliortoqassaaq avannaani nanortalimmilu ujaraaqqanik qallikkanik miitarfiliortoqassaaq, Nuummi mittarfimmik angisuumik sanaartortoqassaaq, ilulissanilu mittarfik tallineqassasoq naalakkersuisoqatigiit isumaqatigiissutaanni ilaavoq.

Naalakkersuisoqatigiit isumaqatigiissuteqarneranni nunatsinni aatsitassat soqutigineqartut isumannaatsumillu atorluarneqarsinnaasut uranimik akoqarparta akoqanngippataluunniit, tamarmik atorluarneqassapput. 

Kim Kielsen taanna pillugu ima oqarpoq:

- Uranip akuata qummut killissarititaa atorunnaarsinneqarnikuuvoq, uran akuata qummut killinga pillugu partiinik allanik naapigiaaniarsimagaluarpugut  tamannali partiinit allanik orniginartinneqarsimanngilaq, Kim Kielsen oqarpoq.

Aatsitassanut uranimik akulinnik uranimik akuisa qaffaasinnerpaaffilerneqarnissaat pillugu Naalakkersuisoqatigiit inatsisartunut saqqummiussissapput.

Qaqortup  Narsallu akornani Tasiilamilu  mittarfiliortoqassaaq Qeqertarsuarmi Qasigiannguani   Kangaatsiami Nanortalimmilu ujaraaqqanik qallikkanik mittaffiliortoqarnissaanut periarfissat misissorneqassapput.    

Nuummi mittarfissualiortoqarnissaanut pilersaarutit ingerlateqqinneqassapput.

Mittarfiliortoqarnissamut pilersaarutit pillugit Kim Kielsen ima oqarpoq :

• Mittarfiit arfinillit sananeqassapput pioreersut tallineqasapput,  selskabiliortoqassaaq

aningaasaliisartut ilanngullugit taakkua takornariaqarnikkut piviusunngortsikkusukkutsigit aammalu inuusuttortagut  ilinniarfissaannik pilersitsiniarutta aningaasanik isaatitsiussanik aaqqiisariaqarpugut,Kim Kielsen oqarpoq.

 Mittarfiliornissamut ingerlatseqatigiiffimmik A/S-imik pilersitsisoqassaaq, avataanit aningaasalersuuteqarneq aallavigalugu sulisussamik tamatumani mittarfiliorniarnermi piviusunngortitsiniartoqassalluni.

Mmittarfiliornernut aningaasat suminngaanit aaneqassanersut Kim Kielsen aperineqarami oqarpoq,  aalisarnikkut isertitsissutigineqartut atorlugit mittarfiit sanaartorneqarumaartut.

Aalisarnermit  iluanaarutigineqartut taakkua nunatsinni aniasut milissorlugit atorniarneqarput   Kim Kielsen oqarpoq,  aalisakkat naleqassussii qaffassarniarneqarput, 

aamma nipisat suaat raajallu  nunatsinni nalitusarneqarsinnaapput,  Kim Kielsen oqarpoq.