Kim Kielsen Parisimi pisunut misiginneqataavoq
- Soorunami taana pisimasoq alianartorsuuvoq, nuna kiffaangissusermik ingarlatisoq taamatut saassutarineqarnera peqqarniisaarnianiit tujorminartupilussuuvoq, Naalakkersuisut siulittaasuat Kim Kielsen oqarpoq.
Aamma atuaruk Frankrigip ministeriunera: Saassussinerit allat piareersarneqarput
Taanna Parisimi pisunut assut misiginneqataalluni aamma oqarluni.
-Fjernsynikkut isiginnaarparput pisut malinnaavigalugit, alianartorujussuuvoq tassami inuusuttorpassuit inuuneri kipineqarput. Tassunga tunngatillugu soorunami Franskrigimi ilaqutaasunut nunaqqataasunullu misiginneqataavugut.
Aamma atuaruk Attaveqaqatigiittarfinni #Paris pillugu nutaarsiassat kingulliit
Pinerliiniarluni saassussinermi inuit 129-t toqutaapput. Danskisut innuttaasusilinnik, kalaallit aamma tassani pineqarlutik, pinerliisoqarnerani ikiligaasoqarsimanngitsoq, siulittaasup uppernarsarpaa.
- Qallunaat nunaaninngaaniit nunanut allanut pisortaqarfianinngaaniit massakkimut nalunaartoqarsimanngilaq Franskrigiminngaanniit qallunaatut innuttaasusillit ajunaartut akornaniissimanersut imaluunniit ikilerneqartut akornaniissimanersut, Naalakkersuisut siulittaasuat Kim Kielsen oqarpoq
