Kim Kielsen Palle Jeremiassenilu Uummannaliassapput
Naalakkersuisut nittartagaanni tamanna atuarneqarsinnaavoq.
Tamaani innuttaasut inisseqqinneqarnissaannut, nutaamillu inuuneqalernissaannut suliap ingerlarnga killiffialu ataatsimiinnermi eqqartorneqassaaq.
Kim Kielsen Palle Jeremiassenilu tusagassiuutinut nalunaarummi ataatsimoorullugu oqaaseqaateqarput:
AAMMA ATUARUK Naalakkersuisut innuttaasunik inisseeqqinnissamut 70 millionit aningaasaliissutigigaat
AAMMA ATUARUK Danmark giver 30 millioner til katastroferamte
- Innuttaasut najukkaminnit qimagussortinneqarsimasut toqqissisimasumik atugassaqarlutik inuunerminnik ingerlatsilernissaannut ikiorneqarnissaat Naalakkersuisut kommunillu aamma kissaatigaat. Taamaammat qanoq periarfissaqarnerannik ataatsimoortumillu naligiimmik ikiorneqarnissaannut atugassaritiat suunerannik pineqartut ilisimatinneqarnissaat pingaaruteqarpoq, Naalakkersuisut siulittaasuat Avannaatalu Kommunianut ikaarsaariarnermut siulittaasoq oqarput, nangillutillu:
- Suliniutit siunissamilu periarfissat suunerannik oqaluttuariartorluta kiisalu innuttaasut ummammiuinik tusarnaariartorluta sapaatip-akunnerata tulliani Uummannaliarnissarput qilanaaraarput, Kim Kielsen Palle Jeremiassenilu oqarput.
Innuttaasut najukkaminnit qimagussorneqarsimasut Uummannap atuarfiata aulaani aggustip 22-ani 23-anilu ataatsimeeqatigineqassapput.
AAMMA ATUARUK Naalakkersuisut danskit tapiissuteqarnerat qujassuteqarfigigaat