Kim Kielsen napparsimalluni sapaatip akunnera sulinngitsoq
Folketingi ammarneqarmat Kim Kielsen annilaarnartumik anivoq. Naalakkersuisummi siulittaasuat iluaallermat Christianborgimiit ambulancenik ingerlanneqartariaqarsimavoq.
AAMMA ATUARUK Kim Kielsen Folketingimi malinnaatilluni ambulancemit aaneqarpoq
Tamatuma kingorna napparsimmavissuamut Rigshospitaliliaanneqarpoq, misissuinerillu tassani takutippaat ajoquteqanngitsoq, sianiutiminilli kiggittoorsimasoq, siulittaasup naalakkersuisoqarfia paasissutissiivoq.
Kim Kielsen nakorsanit eqqissisimaaqqusaavoq, tamannalu naalakkersuisut siulittaasuata sapaatip akunnerata siuliani sulinnginneranik kinguneqarpoq.
Naalakkersuisut siulittaasuat ataasinngorpat sulileqqissasoq, naalakkersuisoqarfik paasissutissiivoq.
AAMMA ATUARUK Kielsen ualimut angerlarsinnaanngussasoq