Kilisaammi inuttat ikiorneqartut
Kilisaat pineqartoq Polar Seafoodimit pigisarineqarmat tassani inuttaasunut pisortaq, Jørgen Fossheim tusagassiuutinut taama nalunaaruteqarpoq.
Islandimi politiit kalaallit kilisaataataanni inuttat pingasut pingasunngornermi tigusaraat. Arnap inuusuttup 20-inik ukiullip Reykjavikimi illoqarfimmeereerluni tammarneranut atatillugu taama pisoqarpoq. Politiit kilisaammi ujaasineranit hashi annertujaaq nassaarineqarneranut atatillugu kilisaammi inuttat sisamassaat politiinit tigusarineqarpoq.
Polar Seafoodip Islandimi Røde Korsi qinnuigisimavaa inuttat sinneruttut ajornartorsiutilittut ikioqqullugit.
Inuttanit pingasuusunit marluk tigummigallagassanngortinneqartut, marluullutik pinngitsuunerarput pingajualli suli eqqartuussisumut sassartinneqarsimanngilaq.
