Kielsenip tatisaasup isigineqarnini nutarteraa

Naalakkersuisut siulittaasuata, Kim Kielsenip, kommunini qinersisoqartinnagu isigineqarnermi nutarternissaa pisariaqartippaa.

Nunaqarfinnut politikki iluarsisariaqarpoq sulinissamullu piffissaqartariarpoq. Politikkikkut ingerlatsineq pillugu naliliisartoq oqaasertarlersuisartoq taama naliliivoq.

- Qanoq isigineqarnissamik nutarterissaq Kim Kielsenimut pingaaruteqarpoq. Taamaaattumik tupigivallaanngilara, nutaanik naalakkersuisoqatissaminik ujarlersimammat nassaarlunilu, naliliisartoq Naja Paulsen oqarpoq.

Nutaamik periusissiornissaq pisariaqartikkaa

Kim Kielsen tunuliaqutiminit tatineqarsimassasoq taamaammallu qanoq iliuuseqartariaqalerasimassasoq, taanna oqarpoq:

- Qularnanngilaq Siumukkormiut akornanni aaqqiagiinnginneq pisartoq, qangali aamma taanna atuutereernikuuvoq. Imaassinnaavoq nutaamik ingerlatseriaaseqalernissani partiimi siulittaasup toqqarsimagaa, tamanna partiiminut toqqissisimanerunissamik kinguneqartussanngorlugu.

Aamma atuaruk Naalakkersuisooqatigiit siammasinnerunissaat Kielsenip kissaatigaa

Aamma atuaruk Saarulliit Inatsisartullu ataatsimiittarfiat suleqatigiikkunaarnermut pissutaaqataapput

Tunuliaquttallu eqqissisimanissaat pisariqqarpoq. Aappaagumi kommuninut qinersissaagut. Taava tamatuma kingorna Inatsisartunut qinersinissaq aamma isighiniagassanngussaaq. Taamaammat Siumup, Demokraatit Atassutillu naalakkersuisoqatigiinnerat immaqa ajoquserpaa.

- Isumaqarpunga Kim Kielsenip naalakkersuisut siulittaasuattut naliliinerminut tunngaviisa ilagigaat, komminut qinersinissaq apriilimi pisussaammat, taavalu kinguninngua Inatsisartunut qinersisoqartussaasoq.

Suleqatikkuminaatsut

Nutaanik naalakkersuisoqatigiiliionikkut Kim Kielsenip Demokraatini Randi Vestergaard Evaldsen aamma Nivi Olsen tunuppai. Nutaqqat taakkua suliassaqarsimaqaat.

Naja Paulsenili imaassorinngilaa, naalakkersuisoqatigiit ajutoornerannut taakkua iluatsitsinngitsoorsimanerat peqqutaasoq. Kisianni Naalakkersuisuniinnertik misilinneqaatigaat.

- Suliassaq Randimut artornarpallaarsimasorinngilara, kisianni marluullutik naalakersuinermi nutaraapput, taakkununngalu Siumut Atassullu suleqatikkuminaassimapput.

Aamma atuaruk Demokraatit piumasaqaataat akuerinngilaat

Siumut, Inuit Ataqatigiit Partii Nalerarlu naalakkersuisoqatigiilerumallutik uran pillugu naapeqatigiinniossartik pisariaqartissimavaat.

- Oqimaalutaavoq, imatut paasillugu: Angertut naaggaartullu taannarpiaq pillugu isumaqatigiissuteqarsimapput, ataqqisariaqakkaminnik tamarmik, Naja Paulsen oqarpoq.