Kielsenip Royal Greenlandip nalunaarusiaa iluarusimaarutigaa
- Kisitsisit saqqummiunneqartut kusanartorujussuupput, Royal Greenland siornaamiit aatsaat taama annertutigisinik iluanaarunaaruteqarpoq, agguagarsivugut Namminersorlutik Oqartussat annertoorujussuarmik tassa 56,5 millioninik. Saniatigut aamma aalisakkanut akitsuutitigut isaatitsivugut. Taavalu saniatigut aamma malunnarpoq sulisut ukiut kingulliit tallimat amerlisimasut taanna tulluusimaarutissaavoq, Naalakkersuisut siulittaasuat Kim Kielsen ataatsimeersuarneq piariiginnartoq taama oqarpoq.
Aamma atuaruk Royal Greenland Kangiani iluatitsilluarpoq
Taassuma ukiumut nalunaarusiami saqqummiunneqartut Royal Greenlandimi pisortaanertut Mikael Thinghuusitut iluarusimaarutigai.
- Ukiuni ingerlasuni iliuutsigut marluusimapput, tuniniaanitsinni sunniuteqarluarpugut, tuniniaasugullu nunani tamalaaneersut nioqqutissionermi akinik pitsaasunik suliamikkut angusillaqqipput, Mikael Thinghuus taama oqarpoq.
Taassuma inuit 223-t ukiup ingerlanerani sulilertissimavai.
-Tassa angusatsinnut peqquttit. Nerpitaajaasinnaassuserput amerligatsigu sineriami sulisut amerlipput.
Aamma atuaruk Ukioq Royal Greenlandimut aalisartunullu iluatsitsiffiuvoq
Akiligassat
Royal Greenlandilli akiligassai 200 millionit koruuninngorsimapput, ukioq kingulleq ukiarlussimanerput akiligassat qaffannerannut pissutaasut pisortaaneq oqarpoq.
- Ukioq kingulleq ukioq takillunilu ukiorlussimaqaaq, avannarpasinnerusortaata sineriaani qalerallinnut qerititsiviit ulikkaaqasimallutik, Europamut Kangianullu nassiussinneq ajulerluta, taakkulu tuninngitsoorpagut, Mikael Thinghuus taama oqarpoq.
Aamma atuaruk PITUFFIK Kielsen siumut isigivoq
Oqariartuut
Royal Greenland inuiaqatigiini pingaaruteqartuusoq pisortaanerup Mikael Thinghuusup nalunaarusiami oqaatigaa. Pitsanngorsarneqarsinnaasorli ataaseq Naalakkersuisut siulittaasuata Kim Kielsenip tikkuarpaa, tassa aqumiunik ilinniartut naammassigaangamik Royal Greenlandip kilisaataataani atorluarneqartariaqartut oqariartuutigalugu.
