Assi: KNR

Kielsenip Great Greenland nersualaaraa

Ammerivik Great Greenland 2016-imi sinneqartooruteqarpoq.

Ammerivik 25 millionit koruuninik ukiup siuliani amigartooruteqarpoq, pissutsilli ukiormanna allaanerulersimapput. Tassalu Great Greenland millionit affai sinnilaarlugit sinneqartooruteqarpoq.

AAMMA ATUARUK Great Greenland siuariartoq

Naalakkersuisut siulittaasuata sinneqartoorneq naammagisimaarpaa.

-Naammagisimaarluinnarpara. Nuannaaqaanga tulluusimaarlungalu sinneqartooruteqarnerput ullumikkut saqqummiussinnaagakku. Sivitsortumimmi  sinneqartooruteqarsimanngilagut. Taamaammat angusagut  soorunami naammagisimaarpakka, Kim Kielsen oqarpoq.

Sinneqartoorneq sipaarniarsimanermik pissuteqartoq Great Greenlandimi pisortaq nassuiaavoq.

- Amernik tunisaqarluarnissarput aningaasartuutittalu ikilinissaat sulissutiginikooqaagut, taassumalu saniatigut ulluinnarni ingerlatsinitta pitsaanerulersinnissaa ukkatarinikuullutigu, Great Greenlandimi pisortaq Ditte Sorknæs oqarpoq.

Great Greenlandip, 2015-imi 25 millionit koruuninik amigartooruteqartup, ammit suliarinerinut aningaasat ikinnerusut ilaatigut atorsimavai.

Ammeriviup ukiumoortumik nalunaarusiaata inernera naatsorsuutigisamit appasinnerugaluartoq, 633.000 koruuninik sinneqartoorfiuvoq.

Tamannalu Great Greenlandimut isumallualersitsivoq.

 - Isumaqarpunga tamanna siunissamut isumallualersitsisoq. Namminersorlutik Oqartussanut kiffartuussinissamik isumaqatigiissutigut suli pinngitsoorsinnaanngilagut. Ataatsimulli isigalugu pitsaasumut ingerlavugut, taamaammat isumalluarpunga, Great Greenlandimi pisortaq Ditte Sorknæs oqarpoq.

AAMMA ATUARUK Great Greenland arlaleriarluni tillinniarfigineqartoq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!