Kielsenip ataatsimiinnissap unitsinneqarnera uggoraa
- Pilersaarutiginikuugaluarparput qavani Qeqertarsuatsiaat kujataatungaani aappaluttumi ataatsimiinneq ingerlanneqarnissaa, kisianni savalimmiuni qinersinissaq suaarutigineqarnerani tamanna unitsinneqarpoq. Uggornaqaaq, innuttaasunik ataatsimiitsitsisoqarnerata kingorna nalaanilu oqariartuutiginikuugaluarlugu taqqavani pisussaq, taassumallu kinguninngua avammut suaarutigereeraluarlugu unitsinneqarmat uggornalaarpoq, Naalakkersuisut Siulittaasuat Kim Kielsen taama oqarpoq.
Aamma atuaruk Naalagaaffeqatigiinni naalakkersuisut siulittaasuisa naapinnissaat unitsiinnarneqarpoq
Ataatsimiinnermilu suut eqqartorneqassanersut oqaatigiumanngilai.
- Tassa assigiinngitsuupput. Pingaarutillit naalagaaffiit iluani tamakkua naaperiutigineqarsinnaasut assigiinngitsut oqallisigineqartussaassasut. Kisianni ugguuna oqaatigigisinnaanngilara, Kim Kielsen oqarpoq.
Ataatsimiinnissaq neriuutigaa
Naalagaaffeqatigiinni naalakkersuisut siuttuisa ukiumoortumik ataatsimeqaatigiinnissaat ilumut ingerlanneqassanersoq suli nalornissutaavoq. Naalakkersuisulli siulittaasuata neriuutigaa tamanna iluatsittumik ingerlanneqassasoq.
- Tassa soorunami neriuppugut. Kisianni qaquguussanersoq, aammalu sumiissanersoq oqaatigisinnaanngilara. Kisianni neriuppugut suli naalakkersuisut savalimmiuni aamma taanna ullulerneqarsinnaassasoq, Naalakkersuisut siulittaasuat Kim Kielsen taama oqarpoq.
