PITUFFIK Kielsen: Nalunaarusiap oqariartuutai ersaripput
- Nalunaarusiap oqariartuutai ersaripput. Naalakkersuisut, taamani naalakkersuisut siulittaasuat minillugu, suliaq taanna ingerlanneqarneranut tunngatillugu ilisimatinneqarnikuunngillat, Kim Kielsen oqarpoq.
Aamma atuaruk Kielsen siumut isigivoq
Eqqartuussissuserisulli Ole Spiermannip nalunaarusiaani paasissutissat tamarmik saqqummiunneqarsimanissaat Inuit Ataqatigiit siulittaasuata, Sara Olsvigip qularaa.
- Nalunaarusiap soorunami tunngavia, tassalu sunarpiaq misissorneqassava, taanna Naalakkersuisunit namminneq suliarineqarnikuuvoq, taamaammallu Inuit Ataqatigiinnit aallaqqaataaniilli oqarpugut, una nalunaarusiaq illuinnaasiortuusinnaavoq, Sara Olsvig nalunaarusiaq saqqummiunneqaqqammersoq oqarpoq.
Aamma atuaruk IA: Aleqap akisussaaffik qimarratigisinnaanngilaa
Aamma atuaruk Transparency: Siulittaasup sms-ii toqqorneqartalissapput
Tamannalu pissutigalugu suli misissugassaqartoq Inuit Ataqatigiit isumaqarput.
Kim Kielsenilli taama isornartorsiuineq tunngavissaqarsorinngilaa. Eqqartuussissuserisumut suliassanngortitsinermi suliassap nassuiarnera nammineq allassimagaluarlugu eqqartuussissuserisumit akuerineqarsimasoq Kielsenip erseqqissarpaa.
Aamma atuaruk Qujaukitsoq: Atorfilinnik soraarsitsisoqarnavianngilaq
Spiermannillu misissuinera annertoorujussuusimasoq, Kim Kielsenip aamma oqaatigaa.
- Quppernerit 4506-it misissorneqarsimapput. Uanga massakkorpiaq takujuminaatsippara, sunarpiaruna massakkut misissorniarneqartoq, Kim Kielsen oqarpoq, misissueqqittoqarsinnaasorli aamma oqarluni.
- Tassa Inatsisartut aalajangerpassuk, taanna maliinnartussaassavarput, Naalakkersuisut siulittaasuat Kim Kielsen taama oqarpoq.
Aamma atuaruk ATAATSIMUT ISIGALUGU Pituffimmi kiffartuussinissamik isumaqatigiissutip annaaneqarnera