Kenyami illuatungiliuttut siuttuat: Qinersinermi peqquserluttuliortoqarpoq
Qinersivinni assigiinngitsuni taasinernik kisitsinerit 90 procentiisa kisinneqareerneranni paasinarsivoq Uhuru Kenyatta 54,6 procentinit taaguunneqarsimasoq. Raila Odinga 44,5 procentinit taaguunneqarsimavoq. Franskit nuttaarsiassaqartitsiviatt AFP taama allaaserisaqarpoq.
Kenyatta taamaasilluni 1,3 millioninik amerlanerusunik taasiseqarpoq.
Odingap qinersinermi ajorsarnini nassuerutigisariaqaraa, Kenyattap kaammattuutigaa.
Kenyami 2007-imi qinersisoqarnerani peqquserluttuliortoqarsimaneranik pasilliutit pissutaallutik aattaqaqisumik eqqissiviilliortoqarpoq, inuit ikinnerpaamik 1100-t taamanikkut toqutaallutik, allallu 100.000-likkaat qimaatinneqarlutik.