Kattusseqatigiit partiillu ilisaritissapput
Kommunalbestyrelsenut nunatsinni apriilip tallimaani qinersinissami, kattusseqatigiit partiillu ilisarititsinerat kalaallit nunaata radioata TV-kut radiokkullu aallakaatitinniarpai marlunngorpamiit marsip 29-ianiit arfininngornermut apriilip aappaata tungaanut.
Kalaallit Nunaata radioata pilersaarutigaa kattusseqatigiit partiillu ilisaritinnerat TV-kut nalunaaqutaq 20.00 aallartittassasoq, kinguninnguatigullu 21.20-p tungaanut kalaallisut qallunaatullu apeqqarissaartoqartassalluni.
Arfininngornermi TV-kut ilisarititsineq nalunaaqutaq 19.30 aallartikkumaarpoq.
Radiokkut ilisarititsinerit qassinut aallartitassanersut kingusinnerusukkut nalunaarutigineqarumaartoq aallakaatitsinermut pisortaq Naja Paulsen allappoq.
Nuup eqqartuussiviani eqqartuussisoq Mille Søvndahl Pedersenni makitsisinneqarmat, partiit kattusseqatigiillu TV-kut ilisaritinnissaanni tulleriinneri imaalerput.
Marlunngornermi marsip 29-iani Inuit Ataqatigiit.
Aqaguani pingasunngornermi Siumut.
Sisamanngornermi Demokraatit
Tallimanngornermi Kattusseqatigiit
Arfininngornermilu apriilip aappaani Atassut.
Taava radiokkut ilisarititsinissami partiit kattusseqatigiillu ima tulleriinneqarput.
Marlunngornermi Atassut
Pingasunngornermi Inuit Ataqatigiit
Sisamanngornermi Kattusseqatigiit
Tallimangornermi Siumut
Arfininngornermilu Demokraatit
Apriilip tallimaani qinersinerup unnukkuani KNR-i nalunaaqutaq unnukkut arfineq-pingasut qeqqaniit aallakaatitsilissaaq.
